Barcelona dhe Chiesa kanë marrëveshje për kushtet personale – tani priten bisedimet mes klubeve

Barcelona është e vendosur të nënshkruajë me një anësor të ri të majtë para përfundimit të afatit kalimtar të verës, pasi Nico Williams dështoi si opsion, ku tani po punohet për objektiva më realiste dhe për momentin, më i miri për t’u bashkuar është Federico Chiesa i Juventusit.

Chiesa nuk është në planet e Thiago Mottas dhe me më pak se një vit të mbetur në kontratën e tij, 26-vjeçari do të transferohet para fundit të muajit.

Ai është i hapur për t’iu bashkuar Barcelonës, ku Sport shkruan që tani ka raportuar se ai tashmë ka rënë dakord me kushtet e ofruara nga gjigantët katalanas.

Ai është i përgatitur të marrë një ulje rroge për të bërë këtë lëvizje, duke ulur pagat e tij në 4.5 milionë euro në sezon.

Sipas Relevo, Barcelona ka vendosur një kufi prej 15 milionë euro në negociatat e tyre  me Juventusin. Ata janë të vendosur të paguajnë jo më shumë se kjo shumë, megjithëse është raportuar se gjigantët e Serisë A po kërkojnë më shumë se 20 milionë euro.

Raporti thotë se Barcelona ende nuk e ka dorëzuar ofertën e saj hapëse, por ajo është duke u përgatitur. Chiesa do të ishte një nënshkrim shumë i mirë me kosto të ulët nëse ai mund të gjente formën që tregoi disa vite më parë – edhe pse kjo është një nëse e madhe. /Telegrafi/