Edhe pse Real Madridi ka para vetës një finale të madhe si ajo e Ligës së Kampionëve, Carlo Ancelotti fillimisht duhet të mbyll ndeshjen e fundit të kampionatit.

Los Blancos presin Real Betis të premten mbrëma në “Santiago Bernabeu” dhe Ancelotti do të shpresojë që lojtarët e tij të shmangin çdo dëmtim të panevojshëm përpara udhëtimit për t’u përballur me Liverpool në Paris.

Duke parë përtej ndeshjes ndaj Real Betisit, Ancelotti tashmë e di se si do ta vendosë ekipin e tij në finale.

“Nuk kam dyshime për formacionin fillestar në Paris”, ka thënë Ancelotti kur u pyet se si do të rreshtojë ekipin e tij në finale.

“Dyshimi im i vetëm është se kush do të luajë një rol më të rëndësishëm, ata që e fillojnë apo ata që e përfundojnë ndeshjen”, nënvizoi italiani.

Me titullin e fituar, Real Madrid ka qenë në gjendje t’i marrë gjërat relativisht lehtë kohët e fundit, ndërsa Liverpool vazhdon të jetë në garë për Ligën Premier kur ka mbetur edhe një ndeshje për të mbyllur sezonin.

Ancelotti: Mendoj për Liverpoolin, jo për Mbappen Ancelotti: Mendoj për Liverpoolin, jo për Mbappen

“Është e vërtetë që ata ende po luftojnë për titullin e ligës”.

“Kemi pasur më shumë kohë për të menduar për këtë ndeshje, por nuk e kemi menduar dhe nuk do ta mendojmë deri të hënën. Por ne kemi gjithçka gati”.

“Tifozët e Real Madridit janë të emocionuar për finalen e Ligës së Kampionëve dhe ne duam të fitojmë të 14-ën. Asgjë tjetër”, përfundoi italiani, duke sigurua që David Alaba do të stërvitet me pjesën tjetër të grupit nga e hëna./Telegrafi/