Allegri para Derdy D’Italia: Interi është favorit për Scudetto, derbi nuk është ndeshje vendimtare
Trajneri i Juventusit, Massimiliano Allegri ka thënë se rivalët e Interit janë ‘favoriti’ për ta fituar titullin në Serie A, por theksoi se ndeshja e së dielës ‘nuk është vendimtare’ për betejën e Scudettos.
Juventusi udhëton në Giuseppe Meazza për Derby d’Italia të dielën dhe Allegri pret një mbrëmje të bukur në Milano, pasi Bianconerët po shërohen nga një fillim i dobët i sezonit dhe me një fitore mund të barazojnë Interin në vendin e tretë.
“Do të shohim nesër mbrëma, gjithçka varet nga loja që ne luajmë. Do të jetë një mbrëmje e bukur, veçanërisht sepse do të ketë rreth 60 mijë spektatorë dhe ka shumë pritshmëri nga të gjithë”, ka thënë fillimisht Allegri në konferencë shtypi.
“Do të jetë një ndeshje e mirë mes dy skuadrave të mëdha. Sipas mendimit tim, Interi është ende favorit për të fituar Scudetton. Është një test i rëndësishëm kundër një ekipi të fortë”.
🎙 Tomorrow's Derby d'Italia preview through Allegri's words! 🗞#InterJuve
— JuventusFC (@juventusfcen) October 23, 2021
Por, trajneri nuk beson se ndeshja kundër Nerazzurrëve do të jetë vendimtare në betejën e Scudettos këtë sezon.
“Për mendimin tim, jo. Kjo do na mundësonte të zgjeronim serinë e rezultateve. Për sa i përket tabelës, ajo ndaj Romës ishte shumë më vendimtare. Nuk mund të mendojmë se do ta fitojmë apo humbim kampionatin në një ndeshje”.
Paulo Dybala është rikuperuar në kohë për të qenë në skuadër dhe Allegri konfirmoi se është në dispozicion kundër Interit të dielën.
“Ai do të jetë i disponueshëm, është mirë dhe ka pasur dy seanca stërvitore me ekipin. Ne jemi pothuajse të kompletuar për sa i përket disponueshmërisë”.
“Është e rëndësishme, sepse kam nevojë për të gjithë, si në Rusi, atje ata që hynë nga banka ishin vendimtarë”.
Allegri u pyet për pozicionin e kapitenit Giorgio Chiellini përpara ndeshjes së madhe dhe nëse Federico Chiesa duhet të pushojë.
“Nuk kam vendosur ende për formacionin. Mund të mos vendos as sot, do ta bëj nesër në mëngjes”.
“Chiesa luajti një lojë të mirë ditët e fundit, Chiellini është gati për të luajtur, Bonucci, De Ligt dhe Rugani po bëjnë mirë. Kur De Ligt është gati të luajë në të djathtë në treshen e pasme, ne mund të luajmë edhe me tre mbrojtës. Tani për tani, ata dy luajnë”.
🏃♂️ 𝔻𝕒𝕤𝕙𝕚𝕟𝕘 𝕥𝕠𝕨𝕒𝕣𝕕𝕤 𝕥𝕙𝕖 𝔻𝕖𝕣𝕓𝕪 𝕕'𝕀𝕥𝕒𝕝𝕚𝕒! 🇮🇹
— JuventusFC (@juventusfcen) October 22, 2021
Allegri u pyet nëse ishte afër kalimit te Interi në vitet e fundit.
“Në dy vjet, shumë ujë ka kaluar nën urë. Ata mu afruan një herë dhe më pas një herë tjetër. Jam i lumtur që jam te Juve”.
Interi po përpiqet të mbrojë Scudetton e fituar në sezonin 2020-21, por Allegri nuk beson se ata mund të vrasin ndjekjen e titullit të Juventusit nesër.
“Duke pasur parasysh tabelën, ata nuk mund të na vrasin. Nuk është një lojë vendimtare, është një mbrëmje e bukur për t’u përjetuar”.
“Pastaj arrijmë në pushimin e nëntorit dhe shohim se sa kemi arritur dhe vlerësojmë hapin tjetër. Sezonet vendosen në tre muajt e fundit, por ju duhet të jeni aty”, përfundoi trajneri i Juventusit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Milani i bindur për marrëveshjen me 9-shin e ri, Ibrahimovic jep dritën e gjelbër
“Edhe sot jam duke u gjykuar për shkak të tij”, Ferguson zbuloi transferimin e tij më të keq te Man Utd
Trajneri i Dortmundit kishte një punë në Ligën Premier që askush nuk e mban mend
Gjyqtari italian, Orsato nuk mundi t’i ndalë lotët pas ndeshjes PSG-Dortmund
Pyetja për Luis Enriquen që e çmendi Al-Khelaifin
Florentino Perez e ka telefonuar Mbappen pas eliminimit të PSG-së
Gazetari i bën Mbappes një pyetje provokuese rreth Real Madridit, reagimi i tij i thotë të gjitha
Trajneri i Dortmundit kishte një punë në Ligën Premier që askush nuk e mban mend
"Ai ishte i vetmi lojtar që ia kisha frikën" - John Terry emëron legjendën e futbollit si kundërshtarin e tij më të vështirë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?