Mesfushori i Chelseat, Cesc Fabregas i është bashkuar skuadrës franceze të Monacos, në një marrëveshje trevjeçare e gjysmë.

Spanjolli 31-vjeçar luajti për herë të fundit me The Blues për FA Cup kundër Nottingham Forestit dhe ishte në lot gjersa e duartrokitën tifozët pas përfundimit të takimit.

Ai u bashkua me Chelsean nga Barcelona në vitin 2014 gjersa ka luajtur 303 herë për Arsenalin në mes të 2003 dhe 2011.

“Është një kënaqësi e madhe të bashkohem me Monacon, është një projekt i ri për mua”, tha Fabregas.

“Unë jam këtu për të ndihmuar ekipin. Jam duke shikuar një fillim të ri. Unë jam shumë i emocionuar”, shtoi ai.

Sarri: Fabregas ka pasur nevojë të largohet Sarri: Fabregas ka pasur nevojë të largohet

Fabregas fitoi dy tituj të Ligës Premier, dy FA Cup dhe një Carabao Cup në 501 paraqitje në futbollin anglez.

Ndryshe, me Gunners fitoi FA Cup dhe luajti në finalen e vitit 2006 të Ligës së Kampionëve kundër Barcelonës, përpara se të bashkohej me gjigantët katalanas në vitin 2011. /Telegrafi/