Trajneri i Real Madridit, Zinedine Zidane, i ka përgënjeshtruar pohimet se Karim Benzema do të zëvendësohet me një sulmues tjetër në Santiago Bernabeu në sezonin e ardhshëm.

Ai ka folur edhe për të ardhmen e Toni Kroos duke thënë se është lojtar shumë i rëndësishëm për mesfushën e Los Blancos.

Zinedine Zidane (Foto: David Ramos/Getty Images/Guliver)

Sa i përket Iscos, Zizu është shprehur se i pëlqen mënyra si luan, mirëpo nuk e ka mohuar mundësinë e largimit të disa lojtarëve në fund të këtij sezoni.

Të gjitha lajmet nga Real Madrid Të gjitha lajmet nga Real Madrid

“Janë shumë lojtarë këtu që mund të shiten, sepse të gjithë janë të mirë. Shumë klube i duan lojtarët e Real Madridit, kjo nuk është diçka e re”.

“Isco është një lojtar i rëndësishëm dhe më pëlqen. Do të shohim se çfarë do të ndodhë në sezonin e ardhshëm”, ka deklaruar Zidane për Marca. /Telegrafi/