Arbër Lepaja, kryetari i fansave të Milanit në Kosovë ka dhënë detaje interesante për ndeshjen e madhe që do të zhvillohet ditën e shtunë.

Reklama

Lepaja, në “Dueli Sportiv” në RTV Dukagjini ka thënë se të shtunën nga mesdita, Milan do të zbarkojë në sheshin “Zahir Pajaziti” ku edhe do ta prezantojnë një trofe të “Chamions League”.

I pari i tifozëve të Milanit në Kosovë ka thënë se do të jetë një mundësi e mirë për të gjithë fansat për të bërë foto me yjet e Milanit.

Ai ka thënë se klubi do të jetë rreth orës 12:00 në Aeroportin e Prishtinës, ndërsa në Sheshin “Zahir Pajaziti” do të jenë prezentë nga ora 14:00-16:00

Reklama

Zbarkimin në qendër të Prishtinës të rosonerëve, e ka konfirmuar edhe organizatori Agron Selimi, i cili ka thënë se një Kup të Kampionëve do ta prezantojë ndonjëri na yjet e Milan por nuk do të jetë Maldini.

Reklama

Ardhjen në Kosovë të gjigantit italian e ka vlerësuar lartë edhe trajneri i futbollit Bilbil Sokoli. “Do të jetë një prezantim sportiv i karakterit revial, afirmativ dhe shumë sensibilizues i sportit në Kosovë”, ka thënë Sokoli.

Edhe Ismet Munishi thotë se ardhja e Milanit në Kosovë është ngjarje e madhe pasi sipas tij nuk ka klub më të madh që ka ardhur ndonjëherë në Kosovë. Munishi ka thënë se sjellja e klubeve të tilla në Kosovë e ka një kosto, dhe tifozët nuk duhen ankuar për çmimet e biletave.

Reklama

Prezantuesja Arbnora Ademi ka thënë se ardhja e Milanit në Kosovë për të është ngjarja më e madhe në futbollin e Kosovës, pas pranimit në UEFA dhe FIFA.

Ndeshja do të transmetohet drejtpërdrejtë në RTV Dukagjini nga ora 20:45, por gjatë ditës së shtunë do të ketë mbulim special. /Telegrafi/

Reklama