Viktor Orban nënshkruan marrëveshjen e re me Moskën për gazin rus, gjithçka do të kalojë nëpërmjet Serbisë

Hungaria ka nënshkruar marrëveshje me Rusinë për furnizim shtesë me gaz, ka njoftuar zëdhënësi i qeverisë Zoltan Kovacs.

Marrëveshja me Hungarinë, do t’i dërgojë deri në 5.8 milionë metër kub gaz në ditë, transmeton Telegrafi.

Ministria hungarez i Punëve të Jashtme, Peter Szijjarto, i cili është takuar me ministrat e tjerë të Jashtëm të vendeve të BE-së në Pragë, ka thënë se marrëveshja që do t’i dërgojë gaz Hungarisë do të realizohet përmes Serbisë – pra gypat e gazsjellësit rus do të kalojnë nëpër Serbi.

Lexo po ashtu Kundërofensiva ukrainase po i kushton shtrenjtë Kremlinit, pamjet e filmuara nga droni shfaqin aksionet e Kievit – hidhen në erë tanke e ushtarë rusë

Para pushtimit rus në Ukrainë, Hungaria ka nënshkruar marrëveshje afatgjatë për marrjen e 3.5 miliardë metër kub gaz në vit nga Rusia, shkruan Politico.

Hungaria është shumë e varur nga gazi rus, ku 80 për qind të gazit e merr nga Gazpromi dhe kundërshton ashpër sanksionet e BE-së ndaj gazit rus.

Budapesti është një prej mbrojtësve më të mëdhenj të Kremlinit brenda bllokut të BE-së.

Në anën tjetër, Gazpromi rus ka ndërprerë apo kufizuar porositë në dhjetëra vende anëtare të bllokut. /Telegrafi/