Në qytetin Christchurch të Zelandës së Re sot (e premte) kanë mbetur të vrarë 49 persona dhe dhjetëra tjerë të plagosur, kur persona të armatosur u futën në dy xhami dhe filluan të shtien me pushkë automatike mbi besimtarët që kishin shkuar për të kryer ritet fetare.

Kjo ngjarje e trishtë ka lënë të pikëlluar shumë vet anë e kënd globit, ndër to edhe figurat publike.

Publikohet 'traileri' i klipit të ri nga Vesa Luma dhe Denik Prizreni, dyshja po vijnë me baladë të veçantë Publikohet 'traileri' i klipit të ri nga Vesa Luma dhe Denik Prizreni, dyshja po vijnë me baladë të veçantë

Për ngjarjen në fjalë ka pasur reagime edhe nga disa prej këngëtarëve shqiptare, madje edhe prej njërës e cila është banore e atij shteti.

Bëhet fjalë për këngëtaren Vesa Luma, e cila deri para disa muajsh ishte në Zelandën e Re bashkë me djali e saj dhe bashkëshortin, teksa është rikthyer para ca muajsh në Prishtinë për tu kthyer më pas sërish atje.

Vesa e cila për gati një vit ka jetuar në Zelandë të Re, e ka ndjerë edhe më shumë këtë ngjarje të pikëlluar, që ka lënë të vdekur 49 viktima.

Këngëtarja nga Prishtina publikoi në rrjetin social Instagram një fotografi, ku shfaqte një krijesë të pikëlluar, teksa në mbishkrimin e saj u ka shprehur ngushëllime familjarëve të viktimave.

View this post on Instagram

🙏 #newzealand Kia Kaha 🙏

A post shared by Vesa Luma (@vesaluma) on Mar 15, 2019 at 4:05am PDT

“Mendimet dhe lutjet e mija shkojnë për të gjithë shtetin tonë dhe ngushëllime të gjithë familjarëve që humbën më të dashurit e tyre, qëndroni të fortë”, ka shkruar këngëtarja Luma.

Në një intervistë ekskluzive të dhënë për Telegrafin në fillim të këtij viti, Vesa tregoi arsyet se pse ajo dhe bashkëshorti i saj, Big Basta, bashkë me djalin e tyre vendosën të shpërngulën në ishullin e largët për të jetuar.

Kur lumturia mban emrin "Lian", Vesa Luma: Jam e lumtur dhe e përmbushur në çdo aspekt të jetës Kur lumturia mban emrin "Lian", Vesa Luma: Jam e lumtur dhe e përmbushur në çdo aspekt të jetës

“Edhe unë edhe Geri jemi persona që kërkojmë shumë nga vetja, dhe me që ajo pjesë e botës na ka pëlqyer gjithmonë, e filluam nga atje (fundi ose fillimi i botës)”, ishte shprehur Vesa Luma për Telegrafin.

Për sa i përket muzikës, këngëtarja është në përgatitje të një dueti të ri me Denik Prizrenin, që do të publikohet me klip brenda disa ditësh. /Telegrafi/