UNUM Festival 2021 do të mbahet

Organizatorët e UNUM Festival kanë zhvilluar së fundmi një takim të suksesshëm me Ministrinë e Shëndetësisë dhe Turizmit në Shqipëri, ku kanë siguruar që edicioni i dytë i festivalit të zhvillohet, por gjithmonë sipas masave të caktuara nga Qeveria e Shqipërisë.

Secili nga ata që do të shkojnë në festival, janë të detyruar që fillimisht të testohen, apo në rast të vaksinimit deri në atë periudhë, të kenë me vete vërtetimin.

Zhvillimi teknologjik dhe niveli i saktësisë së testeve të shpejta aktualisht lejojnë që rezultatet të merren brenda 10–15 minutash.

Dhe, kjo është gjithçka që kërkohej për ta siguruar festivalin dhe secilin prej atyre që duan të marrin pjesë për mbarëvajtjen e edicionit të dytë.

Pra, me mbështetjen e plotë të Qeverisë së Shqipërisë, festivali do të mbahet prej 3 deri më 7 qershor 2021, në plazh dhe mes pishave, në hapësirat e hapura të Shëngjinit.

Deri atëherë, gjithçka që iu kërkhet fansave të UNUM Festival të bëjnë është të kujdesen për veten, familjen dhe miqtë.

Ndërkohë, lista me artistët performues të festivalit do të shpaloset së shpejti /Telegrafi/