Paul Pogba dhe Jesse Lingard janë përfshirë në një përleshje verbale pas arritjes së Manchester Unitedit në Australi për përgatitjet para sezonale.

Djajtë e Kuq zbarkuan në Perth pas një udhëtimi 16 orësh përpara sesionit të tyre të trajnimit të hënën.

Por, Unitedi ka shkaktuar një trazim të madh tek tifozët pas një video-je të ngarkuar në profilin e tyre zyrtar në Twitter.

Kjo pasi aty shihen francezi Pogba dhe anglezi Lingard teksa kanë një përleshje verbale me njëri-tjetrin.

Sipas mediave angleze, Pogba ndërroi fjalë me Lingardin e pakënaqur, teksa dëshironte t’i qëronte hesapet me të.

Ishte mbrojtësi suedez Victor Lindelof, i cili ndërhyri duke tërheq mesfushorin francez për të mos lejuar ndonjë konfrontim.

Përleshja verbale mes dyshes ka bërë që tifozët e Unitedit të nervozohen me komente në Twitter.

Ndryshe, skuadra e Ole Gunnar Solskjær do të nis turneun e tyre para-sezonal kundër Perth Glory më 13 korrik dhe Leeds Unitedit më 17 korrik.

Pas kësaj, Djajtë e Kuq do të udhëtojnë në Singapor për të luajtur ndaj Interin më 20 korrik, ndaj Tottenham Hotspur në Kinë më 25 korrik, Kristiansund më 30 korrik në Norvegji dhe AC Milan në Cardiff më 3 gusht. /Telegrafi/