Topi “Uniforia” i prodhuar nga kompania Adidas është gati të rrokulliset së pari herë në Kampionatin Evropian “Euro 2020”.

Dizajni me pamje kah e ardhmja, me pasurinë e tij të ngjyrave, simbolizon faktin se Kampionati Evropian zhvillohet në dymbëdhjetë vende të ndryshme.

Topi Uniforia Euro 2020 është bërë nga Adidas dhe përmban të njëjtën formë panelesh dhe materialesh si topi i Telstar 18 në Kupën e Botës dy vjet më parë.

Emri “Uniforia” është një ndërthurje e termave angleze “universale” ose “uniformë” dhe “eufori”.

Ky top është prezantuar para rreth dy vitesh, por vetëm tani i ka ardhur koha të luhet me të.

Ndeshja e parë ku “Uniforia” do të rrokulliset është e sotmja në mes të Turqisë dhe Italisë nga ora 21:00 në Olimpico. /Telegrafi/