Totti: Do të shkoja në aeroport për t’ia dhënë Messit fanellën me numrin 10

Ikona e Romës dhe Italisë, Francesco Totti po qëndron në SHBA me klubin e tij në turneun para sezonal.

Edhe pse është larguar nga futbolli aktiv, Totti është pjesë e Romës si drejtor ku ndihmon Monchin rreth transferimeve.

Ish 10-shi legjendar i Romës ka folur për numrin që mbante në shpinë, duke thënë se është gabim të tërhiqet.

“E kam thënë gjithmonë se është gabim të tërhiqet fanella me numrin 10, siç ka bërë Napoli me Maradonën”.

“Është detyrë e klubit që të gjejnë një zëvendësues të denjët për atë numër pasi fëmijët që luajnë në Romë kanë të drejtë ta ëndërrojnë atë numër siç bëja unë”.

“Shembull me kënaqësi do t’ia dhuroja atë numër te Roma Messit. Nëse ai vendos të vijë do të shkoja në aeroport për t’ia dhënë fanellën me numrin 10”, tha Totti.

Ndër tjera ikona e Romës ka folur edhe për transferimet e Giallorosëve ku ka lavdëruar kroatin Coric.

“Më ka pëlqyer shumë Coric. Teknikisht është një nga futbollistët më të mirë që kam parë në jetën time, tifozët e Romës do të mbetën gojëhapur kur ta shohin atë”, tha Totti. /Telegrafi/