Të paktën 34 raketa u lëshuan nga Libani drejt Izraelit

Të paktën 34 raketa u hodhën nga Libani jugor drejt Izraelit të enjten pasi grupi Hezbollah i mbështetur nga Irani, iu kundërpërgjigj një bastisje të policisë izraelite në xhaminë Al-Aqsa të Jerusalemit dhe u zotuan të marrë “të gjitha masat … për të penguar armikun”.

Zyrtarët izraelitë thonë se vetëm pesë nga raketat kaluan sistemin mbrojtës të Kupolës së Hekurt të shtetit hebre, ku dy persona pësuan lëndime.

Lexo po ashtu Vazhdojnë sulmet e izraelitëve ndaj besimtarëve brenda xhamisë Al-Aqsa

Qendra Mjekësore e Galilesë njoftoi se një 26-vjeçar po trajtohej pasi ishte goditur nga predha ndërsa ishte në një motoçikletë dhe një burrë 19-vjeçar i goditur nga copëza gjatë vozitjes.

Ky ishte sulmi më i madh që nga viti 2006 kur Hezbollahu hodhi mijëra raketa në Izrael gjatë një konflikti 34-ditor, raporton nypost.

Forcat e Mbrojtjes së Izraelit nuk e kanë konfirmuar ende zyrtarisht numrin e përgjithshëm të raketave të lëshuara në sulmin e së enjtes.

Hezbollahu, të cilin SHBA-ja e cilësoi si një organizatë terroriste në vitin 1997, i ka vazhduar sulmet me raketa ndaj Izraelit për gati dy dekada pasi IDF u tërhoq nga Libani jugor.

Ndryshe, presidenti turk, Recep Tayyip Erdogan ka paralajmëruar se shtetit izraelit do ta paguajë shtrenjtë për sulmet që po i bën ndaj palestinezëve të pafajshëm. /Telegrafi/