A do të largohet Raphael Varane nga Manchester Unitedi në janar?

Raphael Varane do të jetë futbollist i lirë pasi të përfundojë ky sezon, sipas kushteve të kontratës së tij.

Marrëveshja e tij aktuale përfundon verën e ardhshme dhe jo në një vit siç ishte kuptuar më parë.

Pavarësisht zbulimit dhe faktit që ai nuk po fillon rregullisht në Manchester United, jo shumë klube pritet të jenë i interesuar për nënshkrimin e tij në janar.

Lexo po ashtu United i gatshëm t'i dëgjojë ofertat për Varanen gjatë janarit

Sipas Football Insider, opsionet e Varane për t’u bashkuar me një klub të lartë në Evropë duken të kufizuara vetëm për shkak të 340,000 funteve që lojtari fiton në javë.

Djajtë e Kuq janë ende të hapur për të dëgjuar oferta pasi ato nuk kanë gjasa të zgjasin qëndrimin e tij përtej 2024. Shitja e tij për një tarifë të volitshme është më mirë se ta humbasësh atë për asgjë.

Lexo po ashtu Pse Raphael Varane mund të largohet nga Manchester United si lojtar i lirë?

Megjithatë, Man United nuk pret të marrë shumë oferta, përveç ndoshta për Ligën Saudite Pro.

Ndërkohë, raporti shton se Varane e kupton situatën dhe është i gatshëm të qëndrojë dhe të luftojë për vendin e tij në Old Trafford.

Juventus dhe Bayern Munich janë dy skuadrat e mëdha evropiane që kanë shprehur interesim për të, por asnjëra nuk është e gatshme t’i ofrojë pagën që lojtari fiton në Britaninë e Madhe. /Telegrafi/