Lista e kampionëve të Kosovës nga paslufta deri më tani

Sigal Prishtina dhe Bashkimi janë finalistë të sivjetmë të IP Superligës së Kosovës në basketboll dhe përmes ndeshjeve ‘play-off’ të finales do të luftojnë për trofeun e edicionit 2017/2018.

Seria finale do të fillojë nga e shtuna në orën 19:00 në Pallatin e Rinisë dhe Sporteve në kryeqytet. Skuadra që i regjistron tri fitore shpallet kampion.

Për të arritur në finale, bardhekaltrit e mposhtën Golden Eagle Yllin, ndërsa prizrenasit fituan ndaj Rahovecit.

Ndërsa para se të shpallet kampioni i sivjetmë, të rikujtojmë skuadrat që e kanë fituar titullin në vitet e pasluftës. Natyrisht se Prishtina e dominon listën.

Më poshtë është lista e fituesve të titullit të Kosovës që nga paslufta e publikuar nga faqja zyrtare e FFK-së:

1999/2000 Trepça

2000/2001 Trepça

2001/2002 Prishtina

2002/2003 Prishtina

2003/2004 Dukagjini

2004/2005 Mabetex

2005/2006 Prishtina

2006/2007 Prishtina

2007/2008 Prishtina

2008/2009 Prishtina

2009/2010 Prishtina

2010/2011 Prishtina

2011/2012 Trepça

2012/13 Peja

2013/14 Prishtina

2014/15 Prishtina

2015/16 Prishtina

2016/17 Prishtina

Kush do të shpallet kampion për sezonin 2017/2018? Pritet të shihet nëse do ta mbrojë Sigal Prishtina titullin apo Bashkimi do të shpallet kampion për herë të parë. /Telegrafi/