Sulmi ndaj portierit në Gjilan, nesër mblidhet Këshilli Kombëtar për Parandalimin e Dhunës në Sport

Pas incidentit të sotëm në stadiumin e Gjilanit, ku u sulmua fizikisht, Stivi Frashëri, portier i skuadrës suharekase, Ballkani, nesër pritet të mblidhet Këshilli Kombëtar për Parandalimin e Dhunës në Sport.

Këtë e ka bërë të ditur Ministria e Kulturës Rinisë dhe Sportit, përmes një reagimi në të cilin dënon ashpër këtë sulm, ndërsa portierit nga klubi suharekas, i urojnë shërim të shpejtë.

”Për ditën e nesërme kemi ftuar mbledhje të Këshillit Kombëtar për Parandalimin e Dhunës në Sport për t’i shqyrtuar veprimet e radhës. Jemi të përkushtuar të bëjmë gjithçka mundemi për t’i mbajtur huliganët jashtë fushave të sportit.

Lexo po ashtu Stivi Frashëri është liruar nga spitali, ndërsa Ballkani i rikujton Gjilanit se si është pritur në Therandë

“Portierit Stivi Frashëri i urojmë shërim të shpejtë dhe të plotë”, thuhet në deklaratën e lëshuar nga Ministria e Sportit.

Më poshtë mund ta lexoni statusin e plotë (pa ndërhyrje) të bërë nga Ministria e Kulturës, Rinisë dhe Sportit:

Ministria e Sportit dënon ashpër dhunën e ushtruar ndaj portierit të Ballkanit, Stivi Frashëri dhe gjithë situatën e krijuar në ndeshjen e futbollit Gjilani – Ballkani. Këto pamje nuk përkojnë me frymën sportive dhe të gjithë përgjegjësit do të marrin përgjigjen e merituar.

Lexo po ashtu Gjilani reagon për dhunën që ushtruan tifozët e tyre ndaj portierit të Ballkanit

E falënderojmë Policinë e Kosovës për reagimin e tyre të shpejtë në arrestimin e të dyshuarve. Për ditën e nesërme kemi ftuar mbledhje të Këshillit Kombëtar për Parandalimin e Dhunës në Sport për t’i shqyrtuar veprimet e radhës.

Jemi të përkushtuar të bëjmë gjithçka mundemi për t’i mbajtur huliganët jashtë fushave të sportit.

Portierit Stivi Frashëri i urojmë shërim të shpejtë dhe të plotë. /Telegrafi/