Ndeshja më interesante në Ligën e Evropës, mes Borussia Dortmundit dhe Liverpoolit ka përfunduar pa fitues 1-1.
Dortmund e filloi më mirë ndeshjen duke krijuar shumë raste të mira shënimi nëpërmjet dyshes Reus – Aubameyang, por nuk ia arritën një gjëje të tillë.
Por kur të gjithë të pranishmit pritnin golin e vendasve, pasi dominimi ishte total, ndodhi e kundërta.
Ishte sulmuesi belg, Divock Origi që pranoi një top dhe u fut bukur në zonë për të plasuar një goditje të fuqishme dhe për ta mposhtur portierin vendas Roman Weindefeller.
Me rezultatin 0-1 përfundoi pjesa e parë në të mirë të Liverpoolit.
Me të filluar pjesa e dytë, vendasit reaguan menjëherë dhe shënuan golin e barazimit.
Ishte mesfushori armen, Henrik Mkhitaryan që asistoi bukur për mbrojtësin Mats Hummels i cili barazoi rezultatin në 1-1.
Pas barazimit të rezultatit, mysafirët kishin tri raste të mira shënimi, por Weindefeller ishte në portë duke mbrojtur për mrekulli gjuajtjet nga Coutinho dhe Clyne.
Edhe Dortmund kërkoi golin e fitores por një gjëje të tillë nuk ia arriti.
Kështu kualifikimi mbetet i hapur për të dyja skuadrat dhe një gjë e tillë do të vendoset pas një jave në ‘Anfield’. /Telegrafi/
