Gjatë dy ditëve të vikendit ka pasur raportime të shumta në media në Serbi, të cilat janë të afërta me pushtetin atje, duke auluduar se Policia e Kosovës po ‘terrorizon” serbët lokal në veri të vendit.
Këto media kanë shkruar e alarmuar se “Policia e Kosovës ha hyrë në Ujman” e lajme të tjera që më vonë janë demantuar nga institucionet e Kosovës.
Përveç mediave në Serbi, informata të pavërteta ka shpërndarë edhe vet presidenti serb, Aleksandar Vuçiq i cili mbrëmë pas mbledhjes së Këshillit të Sigurisë Kombëtare të Serbisë, tha se serbët në Kosovë i pret një natë e vështirë, shkruan Telegrafi.
Ai u bëri thirrje serbëve në veri të Kosovës që të jenë të qetë dhe paqësor dhe të mos bien në provokime, si dhe të respektojnë KFOR-in dhe EULEX-in. Me retorikë të dezinformatave kanë vazhduar edhe mediat tjera të afërta me Vuçiqin.
Përveç tyre, deklarata të tilla ka bërë edhe kryetari i Listës Serbe, Goran Rakiq. Ai paralajmëroi kaos në veri, duke pretenduar se kryeministri i Kosovës, Albin Kurti, në mbledhjen e Këshillit të Sigurisë Kombëtare të Kosovës ka thënë se “sonte do ta dërgojë ROSU-në dhe njësitë tjera të armatosura deri në dhëmbë në veri të Kosovës”.
“Sipas informacioneve që kemi, Albin Kurti në takimin që ka pasur me strukturat e tij të sigurisë njoftoi se sonte ( dje) do të dërgojë ROSU të armatosur dhe njësitet tjera në veri të Kosovës për të përndjekur popullin tonë dhe për të kryer “Stuhinë””, tha Rakiq.
Në anën tjetër qeveria e Kosovës i hodhi poshtë pretendimet e Listës Serbe se kryeministri i Kosovës, Albin Kurti, po përgatit dërgimin e forcave të tij speciale “për të përndjekur” serbë nga pjesa veriore e vendit, shkruan Telegrafi.
Zëdhënësi i Qeverisë, Përparim Kryeziu, tha se kjo është e pavërtetë dhe se shpikjet e tilla, sipas tij, kanë për qëllim “arsyetimin dhe mirëmbajtjen e barrikadave në veri të vendit”, të cilat “duhet të largohen menjëherë”.
“Ftojmë qytetarët tanë në veri që t’i ndjekin njoftimet dhe t’u besojnë institucioneve tona dhe të mos bien pre e dezinformimit të grupeve kriminale, që synim kanë ta mbrojnë vetëm veten”, tha Kryeziu.
Pra as njësia speciale në Ujman e as nuk ndodhi tmerri për serbët në veri në ditën e djeshme, thjesht këto ishin raportime e deklarata jo të vërteta e jo profesionale.
Zyrtarët serb nuk ndaluan me kaq shpikjet e tyre. Gjatë ditës së djeshme drejtori i të ashtuquajturës Zyrës për Kosovën në Qeverinë e Serbisë, Petar Petkoviq tha se një qytetar serb është keqtrajtuar afër liqenit të Ujmanit, nga pjesëtarë të Policisë së Kosovës.
Por pretendimet e tij i ka hedhur poshtë Policia e Kosovës, duke thënë se zyrtarët policorë nuk kanë “maltretuar asnjë person apo punonjës, siç është publikuar në media, por vetëm kanë legjitimuar një person i cili ka qenë duke kryer incizime me telefon në atë lokacion, i cili pas legjitimit ka vazhduar pa asnjë problem”.
Në veri të Kosovës, serbët lokalë kanë ngritur barrikada dhe kanë bllokuar rrugë qysh të shtunën pasdite.
Ata e kanë ndërmarrë këtë veprim pasi Policia e Kosovës ka arrestuar ish-zyrtarin serb të këtij institucioni, Dejan Pantiq, nën dyshimet se ka organizuar “sulm terrorist” në zyrat e Komisionit Qendror të Zgjedhjeve në veri të Kosovës.
Qeveria e Kosovës, SHBA-ja dhe Mbretëria e Bashkuar kanë bërë thirrje për largimin e menjëhershëm të barrikadave. /Telegrafi/
Promo
Reklamo këtuLufta Prigozhin - Putin
Më shumëGazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Policia serbe e dërgon në paraburgim mërgimtarin nga Gjakova që e arrestoi në kufi
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maltretimi i kosovarëve në Serbi, eurodeputetja holandeze i reagon Vuçiqit
U arrestua nga Serbia, lirohet zëvendësdrejtori i Policisë së Kosovës
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi