Pesë ndeshjet e fundit pa humbje, Prishtina ngadalë po rikthen formën e duhur dhe ka filluar ngjitjen në Albi Mall Superligë.
Kryeqytetasit kanë marrë dy fitore e tre barazime në kampionat, derisa kanë triumfuar edhe në Kupën e Kosovës.
Një nga futbollistët kryesorë të Prishtinës këtë edicion është padyshim mesfushori Drilon Islami, i cili është bërë një lider te skuadra bardhekaltër.
23-vjeçari ka shkëlqyer me paraqitjet e tij këtë edicion dhe po udhëheq Prishtinën drejt kreut të tabelës me synimet e klubit që janë dalja në Evropë.
Në një prononcim për Telegrafin, Islami flet për formën e mirë që po kalojnë, ku nga pesë ndeshjet e fundit që nuk kanë pësuar humbje në katër prej tyre kanë mbajtur portën e paprekur.
“Jemi në formë të mirë pasi nuk kemi pësuar humbje në pesë ndeshje dhe nga to në katër duele kemi mbajtur portën e paprekur. Kjo tregon që jemi në rrugën e duhur dhe forma e skuadrës po rikthehet. Shpresojmë të vazhdojmë në këtë mënyrë”, deklaroi Islami për Telegrafin.
Për Islamin ky është viti i tij i parë në Prishtinë, por ai po luan me fanellën e gjigantit kosovar sikur të kishte një jetë që është pjesë e kësaj skuadre, duke treguar lidership.
“Jam ambientuar shumë mirë te Prishtina dhe kjo më gëzon jashtëzakonisht shumë. Jam duke kaluar kohë të mira në fushë dhe jashtë saj edhe me shokët e rinj të ekipit. Pritja ka qenë fantastike dhe jam shumë i kënaqur këtu”, thotë mesfushori i talentuar.
Ish-anëtari i Dritës dhe Ferizajt thotë se objektivat e Prishtinës janë të luftojnë për pjesën e epërme të tabelës dhe natyrisht të synohet Kupa e Kosovës.
“Ka shumë ndeshje deri në fund të sezonit dhe ne do të luftojmë sigurisht për pjesën e epërme të renditjes tabelare. Sigurisht që do të synojmë edhe triumfin në Kupën e Kosovës që mbetet objektivi i skuadrës”, vazhdon tutje Islami.
Ndeshjen e ardhshme kryeqytetasit e zhvillojnë në udhëtim te kampioni në fuqi i Kosovës, Ballkani. Pas humbjes së parë të pësuar në fundjavë, Islami thotë se do të tentojnë t’i shkaktojnë edhe humbjen e dytë skuadrës së Ilir Dajës.
“Sigurisht që është një ndeshje e vështirë pasi kemi parasysh se çfarë skuadre kemi përballë, por ne jemi Prishtina dhe gjithmonë futemi në fushë për fitore”.
“Qëllimi është të vazhdojmë me këtë ritëm të rezultateve të mira dhe besoj se do të largohemi me pikë nga Suhareka”, deklaroi Islami për Telegrafin.
23-vjeçari është një titullar i rregullt në klubin bardhekaltër dhe në rast se vazhdon me ritëm të njëjtë mund të largohet në verë për ndonjë kampionat më të fortë pasi qysh tani ka skuadra jashtë vendit që kanë shprehur interesim për të. /Telegrafi/
Promo
Reklamo këtuLufta Prigozhin - Putin
Më shumëNuk pajtohet me Ancelottin, mbrojtësi i Real Madridit ka gjetur destinacionin e ri
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City
Presidenti i Bayernit shokon të gjithë me trajnerin e ri që do ta marrë drejtimin e klubit: Ai është një ekspert i shkëlqyer
Arsyeja pse Borussia Dortmund njihet si 'BVB' edhe pse nuk ka të bëjë me emrin e klubit
Chelsea kontakton trajnerin i cili ka bërë ‘revolucion’ në futboll me sistemin 2-7-2
Milani në listën kryesore ka tre trajnerë portugezë – në krye të saj ish ylli i Interit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City