Serge Gnabry përfundon në listën e dëshirave të Barcelonës

Serge Gnabry është emri i radhës që është futur në listën e dëshirave të Barcelonës.

Kampioni në fuqi i La Ligas pritet të bëj disa ndryshime për sezonin e ri ku reparti i sulmit pritet të jetë reparti ku do të ketë më së shumti largime.

Emrat si Ansu Fati, Raphinha e Ferran Torres prtiet të largohen nga Camp Nou, derisa Barcelona po mendon për zëvendësuesit e tyre.

Lexo po ashtu E zbulon gazeta gjermane, gjashtë yjet e Bayernit ishin kundër Nagelsmann

Sulmuesi gjerman Serge Gnabry ka përfunduar në listën e dëshirave të gjigantit katalunas.

28-vjeçari ka kontratë me Bayernin deri në verën e vitit 2026, por ai ka shprehur dëshirë për tu larguar nga Allianz Arena dhe për të nisur një aventurë të rre në karrierën e tij.

Xavi e pëlqen shumë gjermanin dhe ka kërkuar afrimin e tij në Camp Nou sipas të përditshmes katalunase Sport.

Megjithatë për të arritur deri te Gnabry, Barcelona fillimisht duhet të shes, pasi Bayerni kërkon rreth 60 milionë euro për largimin e tij.

Gnabry këtë edicion ka zhvilluar 47 ndeshje zyrtare, ku ka realizuar 17 gola dhe ka asistuar në gjashtë të tjerë. /Telegrafi/