Gjatë ditës së martë ka qarkulluar në media lajmi se është ngritur aktakuzë ndaj disa personave: Albert Sylejmani, Milot Krasniqi, Lulzim Hajrizi dhe Adriana Matoshit, kjo e fundit aktore e njohur për publikun shqiptar, veçanërisht nga roli i saj në hit serialin “O Sa Mirë”.
Aktakuza në fjalë është ngritur nga Prokuroria Themelore, Departamenti i Përgjithshëm në Gjilan, me padi të një shtetasi nga Gjilani, i cili akuzon katër personat në fjalë se në biznesin e tyre kanë mashtruar konsumatorët, në atë mënyrë që me rastin e ushtrimit të veprimtarisë ekonomike, në emër të tyre kanë përdorur shenjën identike të kompanisë “Stop” të paditësit, në biznesin e tyre “Disco Club Summer Stop”.
Por, akuzat e tilla i ka mohuar vet pronari Albert Sylejmani, i cili në një prononcim për Telegrafin tregoi se një padi e tillë ka një tjetër prapavijë, e cila është me qëllim përfitimi dhe shantazhimi ndaj personave në fjalë.
“Një aktakuzë e tillë është ngritur që në vitin 2013, dy vite pasi qe ne kemi qenë aktiv me biznes po me të njëjtin emër. Ne që nga viti 2011 jemi pronarë të diskotekës “Stop” në Gjilan, dhe këtë e dinë të gjithë. Personi tjetër në fjalë na akuzon për mashtrim të biznesit, kinse me të njëjtin emër, por që në fakt ai as edhe një ditë veprimtarie nuk e ka të zhvilluar me biznesin e tij”, tha Albert Sylejmani për Telegrafin.
I njëjti, gjithashtu tregoi se paditësi është i njohur për padi të tilla të pa baza, që dëmtojnë bizneset, duke u munduar të përfitojë në krah të tyre.
“Ne i kemi të gjitha provat e mundshme, për të mos përmendur këtu faktin që një qytet i tërë është në dijeni se kush janë pronarët e vërtetë të “Stop”, e gjithashtu edhe shumë këngëtarë që kanë performuar në diskotekën tonë. Ky nuk është që vetëm markën tonë provon me shantazhu, po edhe shumë të tjera”, tregon më tej Sylejmani.
Telegrafi ka siguruar edhe disa prova nga Administrata Tatimore e Kosovës, të cilat vërtetojnë se personat në fjalë kanë kryer obligimet ndaj shtetit.
Ndërkohë, aktorja Adriana Matoshi, e cila ka qenë krye-lajm në media së fundmi lidhur me këtë rast, tha për Telegrafin se për një rast të tillë ajo i është përgjigjur me përgjegjësi.
“Është e vërtet që kemi pranuar një padi, ku unë si një nga personat e involvuar në këtë biznes, së bashku me ish-bashkëshortin tim Albertin, dhe dy ortakë tjerë jemi paditur pa arsye mendoj unë, nga një person të cilin personalisht nuk e njoh, por mesa kam dëgjuar është i njohur për veprime të tilla, dhe kërcënime të vazhdueshme që iu bën bizneseve, njëjtë ka tentuar të bëjë edhe me neve. Madje, një nga bizneset e tilla e cila përmendet si njëlloj “viktime” e akuzave të tilla, është edhe Banka Ekonomike e Behgjet Pacollit mesa kam dëgjuar”, tha ndër të tjerash, Adriana Matoshi për Telegrafin.
Në vazhdimin e bisedës, Adriana gjithashtu tregoi se ajo është një nga personat e involvuar në këtë biznes, pasi me rastin në fjalë janë marrë më shumë ortakët e tjerë.
“Unë i jam përgjigjur gjykatës, dhe nuk kam deklaruar asgjë, pasi na është thënë që është mirë me pas avokat. Megjithatë, për rastin në fjalë, unë jam vetëm njëra nga aksionaret e involvuara në biznes, dhe përgjigjem në aq sa më takon”.
E pyetur nëse mendon se u “abuzua” me emrin e saj si artiste, Matoshi tha se një gjë e tillë nuk e shqetëson, përderisa është e drejtë para ligjit.
“Jo, unë nuk shqetësohem pse emri im u lakua me të madhe në media për një çështje të tillë, dhe absolutisht nuk mendoj që një gjë e tillë mund të më ulë reputacionin mua si artiste. Unë e di se jam e drejtë para ligjit, jam përgjigjur me rregull në Gjykatë. Kemi të gjitha provat dhe faktet e mundshme kundrejt personit që na ka paditur, dhe jemi të gatshëm t’i përgjigjemi kurdo që na thërrasin për këtë çështje”, përfundoi Adriana Matoshi.
Ndryshe, kjo e fundit ka qëndruar këto ditë në Pejë për xhirimet e filmit të ri “Zana”, që do të jetë i gatshëm shumë shpejt për publikun. /Telegrafi/
Lufta Prigozhin - Putin
Më shumëNga Rubrika
Zendaya vazhdon paradën e saj të modës me temë tenisi, pasi ajo pranon se nuk dinte asgjë për sportin përpara se të filmonte “Challengers”
Katy Perry magjeps me një fustan elegant, ndërsa merr pjesë në eventin e sezonit të 22-të të American Idol
Kourtney Kardashian tregon linjat e saj të mahnitshme pas lindjes, me bikini shumëngjyrëshe në plazh
"O Bes Kallaku", reagimi epik i Xhensilës kur fansat i përmendin ish-partnerin në koncert
“Çka më kanë parë sytë” - Pas largimit nga Big Brother VIP Albania, Jetmir Salaj kërcënon produksionin se do të zbulojë sekrete?
Ish-banori i Big Brother VIP Albania, na prezanton me partneren për herë të parë
Luka Modric bleu një apartament luksoz në Zagreb - aty ku pritet të kthehet për të jetuar
Kourtney Kardashian tregon linjat e saj të mahnitshme pas lindjes, me bikini shumëngjyrëshe në plazh
Zhaklin Lekatari dërgon mesazh në Big Brother VIP Albania, mbështet njërin prej banorëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert