Roma pranon ofertën e Galatasaray për Zaniolon: Gjiganti turk me formacion të frikshëm me italianin në skuadër

Roma i ka dhënë Nicolo Zaniolo miratimin për të fluturuar në Stamboll për të përfunduar transferimin e tij në Galatasaray.

Sulmuesi 23-vjeçar italian ka udhëtuar mëngjesin e sotëm drejt Milanos për t’u përgatitur për udhëtimin në Stamboll dhe ka qëndruar në një hotel, duke pritur që dy klubet të finalizojnë detajet e kalimit të tij në Superligën e Turqisë.

Galatasaray thuhet se ka rënë dakord të paguajë Romën mbi 20 milionë euro në total dhe 15 milionë euro bonuse për Zaniolo, i cili do të ketë një klauzolë lirimi prej 35 milionë euro në kontratën e tij.

Giallorossët gjithashtu kanë një klauzolë për rishitjen e lojtarit e cila shkon në 15 për qind të shumës, duke i lejuar ata të përfitojnë edhe 5.25 milionë euro nëse klauzola e lirimit të italianit aktivizohet.

Sipas Gianluca Di Marzios, Roma e ka informuar Zaniolon se mund të marrë fluturimin e tij privat për në Stamboll, ku ai do të kryejë testet e zakonshme mjekësore para transferimit me Galatasaray.

#Calciomercato | #Roma, #Zaniolo in partenza: le immaginihttps://t.co/CX2hrjs7Pz

— Gianluca Di Marzio (@DiMarzio) February 7, 2023

Ai në klubin turke do të fitojë rreth 3.5 milionë euro neto në sezon.

Me transferimin e italianit, skuadra ku luan edhe Milot Rashica, do të ketë një skuadër të fortë, që do të jetë e denjë të luftojë edhe në Evropë.

Sulmi do të përbëhet nga emra si Dries Mertens, Mauro Icardi, Muhammed Kerem Aktürkoğlu dhe Nico Zaniolo.

Rashicës i mbetet të luftojë për një vend në formacionin bazë. /Telegrafi/

View this post on Instagram

A post shared by Sky Sport (Italia) (@skysport)