Rizzoli shpjegon vendimet kontroverse të VAR në ndeshjen Inter – Juventus

Deleguesi i gjyqtarëve italianë, Nicola Rizzoli ka reaguar ndaj një ish-anëtari të Federatës së Futbollit të Italisë rreth pamjeve të VAR-it në ndeshjen Inter – Juventus, ku thuhet se janë zhdukur.

Ideja kontroverse rrodhi nga Giuseppe Pecoraro që tha se ka kërkuar një bisedë mes gjyqtarit Daniele Orsato dhe kartonin e verdhë potencial të Miralem Pjanicit, mirëpo dokumenti po mungonte.

“Është mirë të qartësohet dhe mos të krijohen konfuzione më tej”, ka reaguar Rizzoli në një intervistë për Sky Sport Italia.

Lexo po ashtu Pretendohet që është fshirë biseda mes gjyqtarit dhe dhomës së VAR-it: Ndeshja Inter-Juve, përfundon në prokurori

“Në protokoll thuhet se bisedat janë të incizuara me raste të caktuar dhe ato nuk mbahen nga gjyqtarët, por nga nga teknikët e VAR, që i vënë më pas në Asociacionin të Gjyqtarëve të Italisë”.

“Pecoraro ka kërkuar që të mos incizohet e gjithë ndeshja, por ajo nuk ekziston për asnjë ndeshje në Serie A. Askush nuk i kishte ato pamje në duar, ato nuk kanë ekzistuar kurrë”, ka shtuar më tej ai.

Juventusi kishte fituar 3-2 në atë takim, derisa thuhet se Pjanic do të duhej të pranonte edhe kartonin e dytë të verdhë. /Telegrafi/