Rita Ora shoqërohet nga bashkëshorti Taika Waititi edhe gjatë stërvitjeve, çifti shfaqen në formë të mirë përkrah njëri-tjetrit

Rita Ora dhe bashkëshorti i saj Taika Waititi dukeshin në formë të mirë gjatë një seance në palestër çiftesh në Sydney të enjten.

Ylli i popit, 32 vjeçe, dhe bashkëshorti i saj regjisor, 47 vjeç, qeshnin ndërsa shkonin dorë për dore drejt stërvitjes.

Rita dukej pa mundim me stil në një set stërvitjeje tërësisht të zezë.

Ajo tregoi fizikun e tonifikuar me një palë dollakë të zeza dhe një bluzë sportive të zezë me figura.

Gjyqtarja e “Voice Australia” e kombinoi atë me çorape të bardha dhe një palë atlete me shumë ngjyra.

Për të zbukuruar pamjen e saj sportive, këngëtarja e përshtati atë me një çantë të zezë me detaje ari dhe një palë syze dielli “Chanel”.

Ylli i popit zgjodhi një grim natyral për sesionin e saj kardio ndërsa flokët i la të shthurura.

Taika gjithashtu dukej spotiv me një bluzë të bardhë dhe rozë me një kapele shumëngjyrëshe të përshtatshme.

Ai e kombinoi këtë me pantallona të shkurtra të thjeshta të zeza dhe atlete gjithashtu të zeza.

Rita është fotografuar disa herë duke dalë nga palestra të ndryshme në Sidney teksa punon shumë për të mbajtur fizikun e saj në formë.

Ajo aktualisht është në qytet për xhirimet e “The Voice Australia”, së bashku me kolegët e saj gjyqtarë Jason Derulo, Guy Sebastian dhe Jessica Mauboy.

Këngëtarja e “Hot Right Now” mbërriti në Australi në fillim të këtij muaji me bashkëshortin e saj Taika.

Çifti ngriti temperaturat teksa pozuan për një fotosesion të nxehtë për “Vogue Australia” të këtij muaji.

Ata zbuluan në intervistë se sekreti i martesës së tyre të suksesshme është të lënë kohë për njëri-tjetrin.

“Kjo është çështja e martesës, e marrëdhënieve, ka të bëjë me gjetjen e atij personi me të cilin dëshiron të shoqërohesh dhe të sigurohesh që ta bësh këtë”, tha Taika.

“Ka të bëjë me sakrifikimin e gjërave të caktuara dhe për të gjetur kohë për njëri-tjetrin, veçanërisht kur ka dy njerëz të zënë në marrëdhënie… Nëse vërtet kujdeseni për dikë, do ta kuptoni”, shtoi Rita. /Telegrafi/