Artistja shqiptare me famë botërore, Rita Ora natën e 6 shtatorit (e martë) mbajti një koncert madhështor në sheshin “Skënderbej” në Tiranë.

Mijëra fansa u mblodhën në sheshin e kryeqytetit të Shqipërisë për të parë nga afër performancën e yllit të muzikës duke krijuar një atmosferë fantastike.

Krijuesja e shumë hiteve përveç që performoi hitet e saj më të njohura, ajo doli në skenë e veshur me një manteli kuq e zi me shqiponjë të stampuar sipër ndërsa nën të kishte veshur një trupore me ngjyrë të zezë me material të tejdukshëm që ishte e dizajnuar gjithashtu me shqiponjën dykrenare.

Reklama

Foto: Rita Ora/Instagram

Dukjen e saj me motive shqiptare, Rita e plotësoi edhe me vallëzimin e “Valles së Shotës” që krijoi një atmosferë elektrizuese.

Reklama

Pas koncertit, këngëtarja ka ndarë imazhe të shkrepura gjatë performancës ndërsa edhe ka falënderuar të gjithë ata që ishin të pranishëm, dhe kryetarin e bashkisë së Tiranës, Erion Veliaj për organizimin.

View this post on Instagram

A post shared by RITA ORA (@ritaora)

“Wow ende po përpunoj natën e mbrëmshme!! Faleminderit që keni dalë për të bërë histori me mua!! Unë jam shumë mirënjohës për secilin prej jush për realizimin e ëndrrave të mia!! Faleminderit të gjithë ekipit tim të produksionit, grupit dhe ekipit tim dhe të gjithëve që më ndihmuan të organizoja këtë shfaqje! Faleminderit Erion Veliaj dhe qytetit të Tiranës që e bëri këtë të ndodhë dhe na lejoi të festojmë të gjithë të rinjtë e Tiranës së bashku”, ka shkruar Rita sipër postimit.

Reklama
“Shqipëria në gjakun tim, Kosova në venat e mia” - Rita Ora i këndoi me krenari prejardhjes së saj shqiptare para mijëra fansave në Tiranë “Shqipëria në gjakun tim, Kosova në venat e mia” - Rita Ora i këndoi me krenari prejardhjes së saj shqiptare para mijëra fansave në Tiranë

Kujtojmë që në konferencën e mbajtur para performancës në Tiranë, Rita ka zbuluar se po punon në albumin e ri dhe muzikë e re nga ajo pritet të vijë në fillim të vitit të ardhshëm.

Reklama

Ndërkohë, përveç muzikës këngëtarja e “Anywhere” tha se do ta shohim edhe në aktrim. /Telegrafi/