Rita Ora flet me krenari për Kosovën në Festivalin e 80-të të Filmit në Venecia

Këngëtarja shqiptare me famë ndërkombëtare, Rita Ora, këto ditë ndodhet në Itali për Festivalin e 80-të të Filmit në Venecia.

Artistja e famshme e ka prezantuar edhe një herë në formën më të mirë Kosovën si pjesë e këtij Festivali.

Bukuroshja shqiptare mori pjesë në ceremoninë e ndarjes së çmimeve “DVF” të themeluar nga stilistja Diane von Furstenberg.

Në fjalimin e mbajtur përpara turmës, 32 vjeçarja thekson se ka qenë një ëndërr që të punojë me fëmijët në Kosovë dhe t’i motivojë ata.

“Kam shkuar në vendin tim Prishtinë shumë herë për t’u dhënë fëmijëve tanë platforma shumë të sigurta, posaçërisht për mua ajo personalisht çfarë dëshiroja të bëja për ata është që t’i vendos në një hapësirë kreative”, tha Ora teksa po prezantonte një çmim.

Mes tjerash, si ambasadore e vendit u shpreh se e bënë këtë punë që dhjetë vjet duke ndihmuar të tjerët.

Një pjesë e këtij fjalimi u nda në Twitter apo tani platformën “X” nga Shefja e Grupit Parlamentar të LVV-së, Mimoza Kusari-Lila.

Rita nga ana tjetër këto ditë ka qenë në vëmendje për shkak se në koncertin në Hungari u shfaq me një flamur serb, për të cilin më pas dha një sqarim duke thënë se nuk ishte në dijeni pasi mendoi se ka qenë ai i Hungarisë. /Telegrafi/

Nothing can separate @RitaOra from her roots and her origin, Kosova.
Tonight at @DVF award ceremony in Venice 🇮🇹 she brought Kosova, Prishtina with her, again!
Thank You @RitaOra for all you represent! pic.twitter.com/yl7hw4tF64

— Mimoza Kusari 🇽🇰🇺🇦 (@mimozakusari) August 31, 2023