Ylli portugez i Real Madridit, Cristiano Ronaldo ka ri-gjetur formën e tij duke u rikthyer edhe tek golat.
Cristiano Ronaldo nuk e ka humbur shkëlqimin. Mund të duket e çuditshme, por ylli i Realit të Madridit deri më tani ka arritur të shënojë më shumë gola se sezonin e kaluar.
Më het-trikun e tij në ndeshjen ndaj Real Sociedad, portugezi ka arritur në total kuotën e 23 finalizimeve. 11 në La Liga, 9 në Ligën e Kampionëve, 2 në Botërorin e klubeve dhe 1 në Superkupën e Spanjës.
Deri në javën e 22-të të sezonit 2016-17 Cristiano numëronte 21 rrjeta. Në atë periudhë pesë herë fituesi i Topit të Artë kishte arritur të ndalte topin në fundin e rrjetës 14 herë në kampionat, 2 herë në Champions, 1 në Kupë dhe 4 herë në Botërorin e klubeve dhe në fund të garës kishte arritur shifrën rekord të 42 golave, përcjell SS.
Cristiano Ronaldo (Getty Images)
Të dhënat tregojnë se sulmuesi është duke ruajtur të njëjtin ritëm përpara portës edhe pse situata në radhët e Los Blancos nuk është nga më të mirat. Të eliminuar nga Kupa e Mbretit dhe jashtë garës për titull kampion.
Situata jo mirë e klubit mbretëror të jep përshtypjen që gjendja e Ronaldos nuk është në nivelet e sezoneve të kaluara, por statistikat e yllit portugez tregojnë të kundërtën.
Ndonëse Reali i Madridit nuk po shkëlqen për CR7-ën nuk mund të thuhet e njëjta e gjë. Lideri i klubit mbretëror qëndron sërish në majë.
Real Madridi gjithashtu është ngritur në pozitën e tretë në renditjen e kampionatit spanjoll, La Liga, falë golave të Ronaldos në ndeshjet e fundit.
