Trajneri i përkohshëm i Manchester Unitedit, Ralf Rangnick nuk u përmbajt në kritikat e tij ndaj lojtarëve të tij pas humbjes 4-0 të së martës ndaj Liverpoolit.

Rangnick beson se Unitedi tregoi se ishin ‘gjashtë vjet’ prapa rivalëve të tyre të hidhur pas një paraqitjeje ‘poshtëruese’ në Anfield.

“Nuk mendoj se një formacion tjetër në fillim do të kishte ndryshuar diçka. Goli i parë që pësuam, nuk ishte pjesë e planit të lojës të ishim aq lart dhe të pranonim një kundërsulm pas pesë minutash. Kjo e ndryshoi lojën”, ka thënë fillimisht Rangnick pas ndeshjes.

Liverpooli lider pas fitores me ‘poker’ në derbi – The Reds nënshtrojnë Djajtë e Kuq në ‘Anfiled’ Liverpooli lider pas fitores me ‘poker’ në derbi – The Reds nënshtrojnë Djajtë e Kuq në ‘Anfiled’

“Pjesa e parë, thjesht nuk ishim mjaftueshëm të mirë. Nuk fituam asnjë top të parë apo të dytë. Ne ishim të dytët më të mirë në të gjitha fushat përkatëse”.

“Pjesa e dytë, ndryshuam një qendërmbrojtës me Jadon Sancho. 25 minutat e para ishim më mirë dhe disa herë kishte presion mbi topin, kishte dy ose tre momente, por goli i tretë e mbylli lojën”.

“Për golin e tretë ai erdhi nga një top që nuk duhet të luajmë”.

Duartrokitja e tifozëve për Ronaldon, pjesa e parë dhe mesazhi për tifozët e United - Klopp i përmbledh të gjitha Duartrokitja e tifozëve për Ronaldon, pjesa e parë dhe mesazhi për tifozët e United - Klopp i përmbledh të gjitha

“Është e turpshme, është zhgënjyese, ndoshta edhe poshtëruese. Ne duhet të pranojmë se ata janë gjashtë vjet përpara nesh tani”.

“Kur Jurgen Klopp erdhi, ata ndryshuan në klub dhe ngritën jo vetëm ekipin, por klubin dhe qytetin në një nivel të ri. Kjo është ajo që duhet të ndodhë me ne në afatet e ardhshme të transferimeve”, përfundoi gjermani. /Telegrafi/