LAJMI I FUNDIT:

Prokuroria merr vendimin: Alec Baldwin do të akuzohet për vrasje të pavullnetshme për aksidentin fatal në xhirimet e filmit “Rust”

Prokuroria merr vendimin: Alec Baldwin do të akuzohet për vrasje të pavullnetshme për aksidentin fatal në xhirimet e filmit “Rust”

Aktori Alec Baldwin do të akuzohet për vrasje të pavullnetshme për vrasjen e drejtoreshës së kinematografisë, Halyna Hutchins, e cila mbeti e vrarë nga xhirimet e filmit “Rust”, ku aktori qëlloi me fishekë të vërtetë.

Z. Baldwin kishte qenë duke xhiruar një skenë për filmin “Rust” kur të shtënat ndodhën në një fermë pranë qarkut Sante Fe në New Mexico, në tetor të vitit 2021.

Hannah Gutierrez Reed, armatorja e filmit, gjithashtu do të akuzohet, shkruan BBC.

Avokatët e të dyve thanë se synonin t’i luftonin akuzat në gjykatë.

Prokurorja e qarkut e Santa Fe, Mary Carmack-Altwies njoftoi akuzat të enjten, duke shtuar se ato do të ngriheshin deri në fund të muajit.

Bashkëshorti i Halyna Hutchins i tronditur pas publikimit të pamjeve ku vdiq kinematografja në xhirimet e filmit “Rust”
Lexo po ashtu Bashkëshorti i Halyna Hutchins i tronditur pas publikimit të pamjeve ku vdiq kinematografja në xhirimet e filmit “Rust”

“Aktori dhe producenti Alec Baldwin dhe armatorja Hannah Gutierrez Reed do të akuzohen secili për dy akuza për vrasje të pavullnetshme”, thuhet në deklaratë. “Kam konstatuar se ka prova të mjaftueshme”, shtoi ajo.

“Në kohën time, askush nuk është mbi ligjin dhe të gjithë meritojnë drejtësi”, prokurorja.

Të dy do të përballen me 18 muaj burg dhe një gjobë prej 5,000 dollarësh (4,600 euro) nëse dënohen. Ata do të gjykohen nga një juri, thanë prokurorët.

Regjisori i filmit Joel Souza u plagos gjithashtu në xhirime, por prokurorët thanë se nuk do të ngrihej asnjë akuzë në lidhje me këtë.

Publikohet animacioni 3D - si e vrau Alec Baldwin aksidentalisht kinematografen gjatë xhirimeve të filmit "Rust"
Lexo po ashtu Publikohet animacioni 3D - si e vrau Alec Baldwin aksidentalisht kinematografen gjatë xhirimeve të filmit "Rust"

Asistenti i regjisorit të filmit, David Halls, u deklarua fajtor për një akuzë kundërvajtëse për përdorim të pakujdesshëm të një arme vdekjeprurëse, thanë prokurorët. Ai do të kalojë gjashtë muaj në shërbim prove.

Në një deklaratë, një avokat i bashkëshortit të zonjës Hutchins, Matthew, tha se ai mbështeste ngritjen e akuzave. “Është një ngushëllim për familjen që, në New Mexico, askush nuk është mbi ligjin”, tha ai.

Por avokati i Baldwin, Luke Nikas, e quajti vendimin “një gabim të tmerrshëm drejtësie”.

“Z. Baldwin nuk kishte asnjë arsye të besonte se kishte një plumb të vërtetë në armë – ose kudo në xhirimet e filmi”, tha zoti Nikas. “Ai u mbështet te profesionistët me të cilët punonte, të cilët e siguruan atë se arma nuk kishte fishekë të vërtetë. Ne do t’i luftojmë këto akuza dhe do të fitojmë”.

Avokati i zonjës Gutierrez Reed, ndërkohë, tha se njoftimi ishte rezultat i një “hetimi shumë të gabuar dhe një kuptimi të pasaktë të fakteve të plota”.

Vrasja e kinematografes në "Rust" - përgjegjësja e armëve padit Alec Baldwin: Ai nuk erdhi në stërvitjet e gjuajtjes me armë para xhirimeve
Lexo po ashtu Vrasja e kinematografes në "Rust" - përgjegjësja e armëve padit Alec Baldwin: Ai nuk erdhi në stërvitjet e gjuajtjes me armë para xhirimeve

“Hannah është dhe ka qenë gjithmonë shumë emocionuese dhe e trishtuar për këtë aksident tragjik”, tha Todd Bullion. “Por ajo nuk ka kryer vrasje të pavullnetshme”.

Zonja Hutchins vdiq në spital menjëherë pasi u qëllua në gjoks nga një armë mbështetëse por e mbushur me fishekë, e shkrepur nga Baldwin në shesh. Incidenti rezultoi në akuza për neglizhencë dhe çoi në thirrje për protokolle më të mira sigurie në xhirimet e filmave.

Një hetim fillestar mbi incidentin zbuloi se kishte “një shkallë të neglizhencës”, prodhuesit u gjobitën me më shumë se 136,000 dollarë (125,00 euro) nga Departamenti i Mjedisit në New Mexico për moszbatimin e protokolleve të sigurisë.

Kompania e prodhimit të filmit, ‘Rust Movie Productions’, argumentoi se nuk ishte përgjegjëse për mbikëqyrjen e xhirimeve të filmit, “aq më pak për mbikëqyrjen e protokolleve specifike si mirëmbajtja dhe ngarkimi i armëve”.

Pas të shtënave, Baldwin tha se arma kishte shkrepur gabimisht. Ai shtoi se nuk e tërhoqi këmbëzën dhe nuk ishte në dijeni që ishte e ngarkuar. “Unë nuk e di se çfarë ndodhi në atë set xhirimesh. Nuk e di se si arriti ai plumb në atë armë. Nuk e di”, tha ai.

Baldwin ka ngritur gjithashtu një padi kundër disa personave të përfshirë në film, duke përfshirë zonjën Gutierrez Reed dhe zotin Halls, duke pretenduar se ata të dy nuk e kontrolluan me kujdes armën.

Alec Baldwin thotë se nuk ndjehet fajtor për vrasjen aksidentale të kinematografes Halyna Hutchins në xhirimet e filmit "Rust"
Lexo po ashtu Alec Baldwin thotë se nuk ndjehet fajtor për vrasjen aksidentale të kinematografes Halyna Hutchins në xhirimet e filmit "Rust"

Në tetor, aktori 64-vjeçar dhe kompania e prodhimit të filmit arritën një marrëveshje për një shumë të pazbuluar me familjen e zonjës Hutchins.

Kjo erdhi pasi bashkëshorti i drejtoreshës së fotografisë ngriti një padi për vdekje të gabuar, e cila pretendonte shkelje të standardeve të industrisë.

“Të gjithë ne besojmë se vdekja e Halyna ishte një aksident i tmerrshëm”, tha zoti Hutchins në një deklaratë në atë kohë. “Unë nuk kam asnjë interes të përfshihem në akuza ose atribuime të fajit”,

Xhirimet e filmit ishin planifikuar të rifillonin këtë vit, me zotin Hutchins në bord si producent ekzekutiv. /Telegrafi/

Në trend Magazina

Më shumë
Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia

Magazina
Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr

Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr

Magazina
Dani Alves me festë

Dani Alves me festë "të çmendur" në vilën e tij milionëshe në Barcelonë pasi u lirua nga burgu

Magazina
Bëri një koment për ish-krerët e UÇK-së, Gold AG i reagon aktorit Enver Petrovci

Bëri një koment për ish-krerët e UÇK-së, Gold AG i reagon aktorit Enver Petrovci

Magazina
Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Magazina
“Ka 10 vite që nuk kam fjetur me një burrë, më kishte munguar një puthje” - Ilnisa Agolli rrëfen jetën intime

“Ka 10 vite që nuk kam fjetur me një burrë, më kishte munguar një puthje” - Ilnisa Agolli rrëfen jetën intime

Magazina
Kalo në kategori