Problemi i Atleticos me Moratan: Juve do ta kthejë, Simeone nuk e do – Liga Premier destinacion potencial

Përkundër interesimit të Barcelonës për Alvaro Moratan në afatin kalimtar të janarit, Atletico Madridi vendosi të mos e jepte dritën e gjelbër për kalimin e sulmuesit te rivali i La Ligas.

Spanjolli mbeti te Juventusi, por Zonja e Vjetër e transferoi Dusan Vlahovicin, që do të thotë se 29-vjeçari nuk konsiderohet më si sulmuesi kryesor.

Huazimi dyvjeçar i Moratas përfundon në verën që vjen, nga i cili Atletico ka përfituar 10 milionë euro, por te Los Rojiblancos janë të vetëdijshëm se Bianconerët nuk do ta aktivizojnë opsionin e blerjes për 35 milionë euro të tjera.

Lexo po ashtu Morata mund të shfrytëzohet në rolin e Mandzukicit në formacionin e ri Juves

Në ndërkohë, Diego Simeone nuk e ka në planet e veta sulmuesin, ashtu që drejtorët do të përpiqen t’i gjejnë një klub të ri na afatin kalimtar veror që do ta paguante shumën e lartpërmendur dhe do t’ia jepte pagën e lartë futbollistit.

Liga Premier si destinacion potencial

Drejtorit sportiv të Atletico Madridit, Andrea Berta, do t’i ngarkohet detyra që të gjejë një klub të ri për Moratan në verën që vjen.

Liga Premier mund të jetë destinacioni potencial, sepse klubet angleze e kanë fuqinë financiare për të paguar çmimin e klubit dhe pagat e lojtarit.

Lexo po ashtu Juventusi ka harxhuar 446.8 milionë euro në vitet e fundit vetëm për qendërsulmues – 300 milionë shkuan vetëm për tre prej tyre

Morata, i cili është duke kaluar një periudhë të vështirë në karrierën e tij, në ditët e fundme të afatit kalimtar të janarit ishte lidhur edhe me një kalim te Arsenali që nuk u realizua. /Telegrafi/