Pogba hap zemrën pas humbjes ndaj Evertonit: Kërkimfalja e lojtarëve është duke dhënë maksimumin në fushë

Mesfushori i Manchester Unitedit, Paul Pogba, ka folur gjerë dhe gjatë pas humbjes ndaj Evertonit me rezultat 4-0 në Ligën Premier.

Francezi pranoi se paraqitja në Godison Park ishte për t’u harruar, ndërsa ka premtuar se nuk do të ndodhë asnjëherë.

“Në zhveshtore ne e lejojmë trajnerin të flasë, stafi foli dhe e thanë të vërtetën. Ata treguan se çfarë ndodhi në ndeshje dhe thanë se nuk është respektuese për ndeshje”.

“Ajo që kemi bërë në fushë nuk është respektuese për bashkëlojtarët, stafin, njerëzit, mirëmbajtësin e fanellave dhe të gjithë tjerët. Për punën dhe për përkushtimin që japin për ne, ekipin dhe klubin”.

“Ajo që kemi treguar në fushë, ne nuk ia dhamë pas kënaqësinë dhe jemi të hidhëruar me vetën. Ne duam të bëjmë më mirë dhe duhet. Reagimi duhet të jetë i menjëhershëm. Tifozët duan të shikojnë lojtarët teksa reagojnë dhe mënyra e vetme që t’iu kërkojmë falje atyre është të japim çdo gjë fushë, të bëjmë më të mirën, krijojmë shanse, shënojmë gola, të mbrohemi, punojmë për skuadrën dhe nëse humbin ndeshjen, paraqitja e mirë në fushë është krenari”.

Lexo po ashtu Tre lojtarët që mund të konsiderojnë largimin nga Unitedi nëse mbesin jashtë top katërshes

“Kështu duhet të  kërkojmë falje, të japim çdo gjë për klubin, për fanellën, për bashkëlojtarët dhe për vetën tonë gjithashtu. Ne nuk duhet të luajmë më në atë mënyrë. Do doja të dija se çfarë shkoi keq. Ishin detajet, dëshira, ne folëm për guximin dhe gjërat tjera kur erdhi trajneri”.

“Nuk është mirë për Unitedin, për historinë e klubit dhe tifozët. Nuk është aspak mirë ajo që kemi bërë. Të humbasësh 4-0 në një kohë kur je në garë për top katërshe nuk është aspak mirë. Nuk dua të jep mosrespektues dhe nuk jam ndaj Evertonit, por mënyra si luajtëm dhe paraqitja nga unë, ekipi dhe gjithë të tjerët ishte mosrespektuese. Ne nuk respektuam vetën, klubin dhe tifozët. Çdo gjë shkoi keq, por më e rëndësishmja është mentaliteti që japim në fushë. Tani kjo është e kaluara dhe ne nuk mund të qëndrojmë në të kaluarën pasi të shkakton kokëdhimbje. Duhet të mendosh për ndeshjen e ardhshme dhe të bësh më mirë”, ka thënë Pogba. /Telegrafi/