Mauricio Pochettino dëshiron të rikthehet sa më shpejt në futboll, pas shkarkimit që ia bëri Tottenham Hotspuri.

Trajneri argjentinas u shkarkua nga Spurs pak ditë më parë, për t’u zëvendësuar kështu me Jose Mourinhon.

Por, sipas asaj që raporton Daily Star, Arsenali ka shprehur interesim për Pochettino, pas shkarkimit të Unai Emerys.

Pochettino lëshon deklaratën e parë pas shkarkimit nga Tottenhami Pochettino lëshon deklaratën e parë pas shkarkimit nga Tottenhami

Mirëpo – argjentinasi thuhet se nuk është i interesuar ta marrë drejtimin e The Gunners, pasi pret skuadra si, Barcelona e Bayern Munich.

Në garë për t’u bërë trajner i ri i Arsenalit janë edhe emra si, Brendan Rodgers, Mikel Arteta, Massimiliano Allegri dhe Carlo Ancelotti. /Telegrafi/