Shumë futbollistë ëndërrojnë që të luajnë te Barcelona, mirëpo disa prej tyre arritën ta kuptojnë potencialin që kanë vetëm pasi janë larguar nga Camp Nou.
Blaugranët kanë edhe akademinë e njohur botërisht, La Masia, që zbulon talentë të mëdhenj, mirëpo jo të gjithë ata gjejnë hapësira dhe sukses në ekipin e parë.
SunSport ka bërë përzgjedhjen e pesë futbollistëve, të cilët kanë shkëlqyer pasi i thanë lamtumirë Barcelonës:
Yaya Toure
Mesfushori u largua nga katalunasit në vitin 2010 për t’iu bashkuar Manchester Cityt në një transferim që kushtoi rreth 25 milionë funte (28 milionë euro).
Ky ishte një transferim i suksesshëm, pasi ai u bë një prej më të mirëve në pozitën e tij për disa vite. Nga një mesfushor defensiv në Camp Nou, u transformua në një mjeshtër i mesfushës që luante nga njëra zonë në tjetrën nën urdhrat e Roberto Mancinit.
Te klubi anglez, Toure shënoi 79 gola dhe dhuroi 50 asistime në 316 ndeshje, ndërsa mes tjerash fitoi tre tituj të Ligës premier dhe Kupën FA.
Zlatan Ibrahimovic
I jashtëzakonshmi Zlatan Ibrahimovic mahniti me vendimin e tij për t’iu bahskuar Barcelonë nga Interi në një marrëveshje shkëmbimi me Samuel Eto’o në vitin 2009.
Mirëpo, qëndrimi në Kataluni nuk shkoi sipas planit, për shkak të prishjes së raporteve me trajnerin Pep Guardiola, ashtu që u transferua te Milani një vit më pas.
Ai vazhdoi shkëlqimin te Rossonerët duke fituar titullin e Serie A dhe pastaj u transferua te Paris Saint-Germaini duke u shndërruar në një makineri golashënuese në Ligue 1 (156 gola 180 ndeshje) dhe duke e fituar katër herë radhazi titullin kampional dhe një sërë trofesh të tjera.
Cesc Fabregas
Cesc Fabregas u largua në dy raste nga Barca dhe në të dyja rastet shkëlqeu larg klubit të tij të fëmijërisë.
Mesfushori spanjoll erdhi nga rangjet e La Masia, por në moshën 16 vjeçare u transferua te Arsenali (në vitin 2003), ku ishte fantastik nën drejtimin e Arsene Wenger (304 paraqitje, 57 gola dhe 92 asistime).
Në vitin 2011 u kthye në Camp Nou, mirëpo nuk e gjeti veten dhe sërish u kthye në Ligën Premier në vitin 2014, kësaj radhe te Chelsea, ku regjistroi 198 paraqitje, 22 gola dhe 57 asistime, dhe fitoi dy tituj të Ligës Premier, një FA Cup, një League Cup dhe një trofe të Ligës së Evropës.
Alexis Sanchez
Pas transferimit të Neymar, Alexis Sanchez u largua nga Barcelona për t’iu bashkuar Arsenalit në vitin 2014.
Në Londër, ai u shndërrua në një prej sulmuesve ‘vrastarë’ duke shënuar 60 gola dhe duke dhuruar 25 asistime në 122 ndeshje të Ligës Premier.
Falë paraqitjeve me Topçinjtë, në vitin 2018 e transferoi Manchester Unitedi, mirëpo kiliani nuk rezultoi i suksesshëm në Old Trafford. Ndërsa tash po luan te Interi në përpjekje për ta rikthyer formën e tij.
Thiago Alcantara
Thiago Alcantara debutoi për ekipin e parë të Barcelonës në vitin 2009 dhe regjistroi më shumë se 100 paraqitje për klubin katalunas.
Mirëpo, ai asnjëherë nuk ishte lojtar vendimtar në pozitën e tij, ndërsa pas transferimit te Bayern Munichu në vitin 2013, gjithçka ndryshoi.
Spanjolli u shndërrua në një prej mesfushorëve më të mirë kreativë në qarkullim dhe u ndihmoi bavarezëve që t’i fitonin shtatë tituj të Bundesligas, si edhe kompletimin fantastik të tripletës në sezonin 2019/2020.
Pas suksesit të madh me klubin gjerman, atë e transferoi Liverpooli për një sfidë të re.
/Telegrafi/
Promo
Reklamo këtuLufta Prigozhin - Putin
Më shumëNga Rubrika
A e dini se për çfarë shërben gjysmërrethi në buzë të zonës së penalltisë? Këtu është rasti i vetëm në të cilin përdoret
Shevchenko prezanton një revolucion në futboll, gjyqtarët ukrainas do të shkojnë në detektorin e gënjeshtrës
Si e “tradhtoi” Rudiger shokun e tij më të mirë në futboll gjatë ekzekutimit të penalltive në Man City-Real
Granit Xhaka 'mbulohet' me para nga Leverkuseni me fitimin e titullit në Bundesligë
Trajneri i Fiorentinës shkaktoi skandal në Ligën e Konferencës - puthi gazetaren italiane
Puyol përfshihet në zënkën mes Gundogan dhe Araujo
Gjëja e parë që bënë lojtarët e Real Madridit pas penalltisë fituese të Rudigerit kundër Man Cityt
Para të gjithëve, si e kishte parashikuar saktë Ancelotti rrugëtimin e Alonsos për trajner
Rregulli i rreptë që duhet të ndjekë Zinedine Zidane nëse bëhet trajner i Bayern Munichut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel