Ta zëvendësosh Cristiano Ronaldo dy herë brenda dy ndeshjeve të rëndësishme, vetëm Maurizio Sarri ka arritur ta bëjë për një kohë të shkurtër.

Trajneri italian e largoi portugezin në minutën e 55-të në përballjen që e fituan 1-0 ndaj Milanit, për ta inkuadruar Paulo Dybalan që e shënoi golin e fitores në fundjavën e kaluar.

Por, 34-vjeçari një gjë e tillë i ka ndodhur edhe katër herë të tjera dhe nuk ishte aspak i lumtur, madje kishte shprehur nervoz të madhe:

Pas acarimit me Sarrin, vjen reagimi i Ronaldos Pas acarimit me Sarrin, vjen reagimi i Ronaldos

Manchester United vs Manchester City / 2009

Pesë herë fituesi i Topit të Artë në atë kohë që luante nën urdhrat e Sir Alex Fergusonit ishte i acaruar me trajnerin legjendar që e largoi nga fusha në vitin 2009.

Real Madridi vs Las Palmas / 2016

Një tjetër zëvendësim i kishte bërë edhe Zinedine Zidane në vitin 2016 derisa Los Blancos ishin duke fituar 2-1 ndaj Las Palmas. Francezi kishte vendosur ta largonte CR7-shin duke e futur në vendin e tij Lucas Vazquezin.

Real Madrid vs Levante / 2018

Ishte sërish trajneri francez që e kishte zëvendësuar Ronaldon derisa po fitonin 2-1 ndaj Levantes në vitin 2018, për ta inkuadruar kështu në lojë Marco Asension dhe portugezi ishte mjaftë i acaruar.

Juventus vs Lokomotiva e Moskës / 2019

Sarri e kishte larguar Ronaldon në minutën e 81-të derisa rezultati ishte 1-1. 34-vjeçari e kishte liruar vendin për Paulo Dybalan, ndërsa Douglas Costa e shënoi golin e fitores 2-1.

Juventus vs Milan / 2019

Në fundjavën që shkoi ishim dëshmitar të një acarimi tjetër të Ronaldos, derisa skuadra e tij po barazonte pa gola me Rossonerët. Ishte minuta e 55-të kur ish-trajneri i Chelseat vendosi ta largonte CR7-shin nga loja dhe ta fuste Dybalan që shënoi golin e fitores, për t’i marrë kështu tri pikë mjaftë të vlefshme. /Telegrafi/