LAJMI I FUNDIT:

Përfundon sondazhi i Telegrafit për fituesin e Big Brother VIP Albania 3, garë e ngushtë mes dy konkurrentëve

Përfundon sondazhi i Telegrafit për fituesin e Big Brother VIP Albania 3, garë e ngushtë mes dy konkurrentëve

Finalja e shumëpritur e edicionit të tretë të Big Brother VIP Albania është caktuar të zhvillohet nesër, më 25 maj.

Julian Deda, Romeo Veshaj, Egla Ceno, Heidi Baci dhe Meriton Mjekiqi janë emrat që do të luftojnë për çmimin e madh prej 100 mijë eurosh.

Pritja dhe spekulimet rreth kësaj nate të rëndësishme janë të larta, dhe lexuesit kanë treguar interesin e tyre nëpërmjet një sondazhi të realizuar nga Telegrafi, ku u pyetën për të parashikuar fituesin e Big Brother VIP Albania 3.

Sipas përgjigjeve të grumbulluara, Meriton Mjekiqi ka dalë si favoriti i padiskutueshëm, duke marrë një mbështetje të konsiderueshme prej 37% të votave.

Të gjitha lajmet rreth Big Brother VIP Albania 3
Lexo po ashtu Të gjitha lajmet rreth Big Brother VIP Albania 3

Ai është ndjekur ngushtë nga Romeo Veshaj, i cili ka siguruar 31% të votave. Julian Deda ka arritur të grumbullojë 13% të votave të lexuesve, ndërsa Egla Ceno dhe Heidi Baci vijnë pas me përkatësisht 12% dhe 7%.

Duket se sondazhi ka treguar një garë të fortë mes dy kandidatëve kryesorë, Meritonit dhe Romeos, të cilët janë dalë si më të votuarit dhe favoritët e audiencës për të triumfuar në edicionin e tretë të këtij spektakli. /Telegrafi/

* Ky sondazh është realizuar nga portali Telegrafi vetëm për të matur preferencat e publikut dhe nuk lidhet me votimin zyrtar të spektaklit Big Brother VIP Albania 3.