Një ndër mediat më të fuqishme botërore, britanikja The Guardian, i ka kushtuar një shkrim lavdërues performancës së këngëtares shqiptaro-londineze, Dua Lipa, për paraqitjen e saj në festivalin madh britanik, Glastonbury.
The Guardian thotë se për disa artistë, Glastonbury është thjeshtë një ndalesë freskie në verën e nxehtë: megjithatë, gjatë performancës së Dua Lipës, u pa qartë se ajo dhe ekipi i saj janë të interesuar që ajo të jetë artistja më depërtuese e vitit.
“Këngëtarja, e lindur në Londër me prindër shqiptarë nga Kosova, menaxhohet nga menaxhmenti që e bëri të famshme Lana del Reyn; të cilët presin që edhe ajo të arrij mega-suksesin e saj. Performanca e djeshme, e kalkuluar dhe e sigurt, nis me tre prej anëtarëve të bendit të saj, burra të veshur me veshje sportive të firmës Adidas, duke e ndezur audiencën me bateritë zhurmuese dhe me tingujt historikë; emri i saj i shkruar me shkronja të mëdha ngjyrë vjollce, për t’u siguruar se e tërë audienca, jo vetëm se do ta dëgjojë atë, por edhe do të besojë se një yll i madh po del në skenë”, shkruan e përditshmja britanike, transmeton Koha.net.
“Ajo pati rastin që të paraqitej për publikun për disa minuta pas intros elaboruese e veshur me një pallto të gjatë ngjyrë rozë, varëse fyti, platformë gotike dhe një kominoshe pa këmbë; paraqitje gjysmë Pussycat Doll dhe gjysmë Charli XCX. Vetë muzika është një lloj popi i përzier me turbo-sint dhe me tekste të ngarkuara (“Nëse nuk e bëjmë rrëmujë të tërën, të garantoj se do të t’çmend”, këndon ajo para se të dërgojë një puthje). Për ta dëshmuar edhe më shumë veten, ajo këndon edhe një këngë të Jamie xx, performancë e cila kryhet në mënyrë të përkryer”, potencon më tej The Guardian.
“Ajo duket qartë se është e mahnitur nga turma e madhe (“Është një ëndërr e madhe që është bërë realitet për mua”, kishte shkruar ajo pas performancës) ku gjenden shumë vajza të reja të hijeshuara me lule që shkrepin “selfie’”, shkruan e madhja britanike, transmeton Koha.net.
Në fund, “The Guardian” thotë se performanca e saj mund të jetë më e rafinuara dhe më kompetentja e zhanrit pop që Glastonbury mund të pres këtë vikend.
Ndërkaq, edhe NewsWeek i ka kushtuar disa rreshta Dua Lipës, duke thënë se audienca e festivalit “Glastonbury” mund të mburret që kanë dëgjuar një yll si Dua të performojë live.
“Dua Lipa momentalisht është duke u klasifikuar lartë në top-listat angleze me këngën e saj “Hotter Than Hell” dhe teksa ylli i saj po rritet, audienca e Glastonbury mund të thonë se ishin ndër të parët që e panë atë live. Albumi debutues i këngëtares shqiptaro-angleze pritet të lansohet gjatë këtij viti, por, duke u bazuar në këngët e saj të mëhershme, ajo është nominuar për çmimin BBC Zëri i Vitit 2016. Të shtunën ajo u paraqit në skenën “John Peel” ndërsa të dielën do të paraqitet në skenën “Sonic””, shkruan NewsWeek.
Lufta Prigozhin - Putin
Më shumëNjë takim mes Massimilianos dhe Heidit në Big Brother VIP Albania 3? Veprimi i ish-partnerit të saj në Grande Fratello ngre dyshimet
U hodh në gjyq, Olsi Bylyku "godet" Top Channel: Ikonat si Arbana, Alban Dudushi iu larguan - gjersa kolegët në TV Klan kanë ndërtuar perandori
“Ishte humbje kohe” Selena Gomez tregon se ajo ka kaluar vite duke u përpjekur të dukej në një mënyrë 'të caktuar’
Bardhi publikon këngën e re “Luj zemër”
Heidi dhe Romeo duken më të dashuruar se kurrë, dyshja nuk i ndalin puthjet në xhakuzi
Betejë me Top Channel, Olsi Bylyku thirret përpara Gjykatës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre