Los Angeles Lakers kanë triumfuar në derbin e mbrëmjes ndaj Boston Celtics në NBA.

Ka qënë një përballje fantastike në Staples Center, ku dy skuadrat më të trofeshme kanë dhuruar spektakël e në fund triumfuan Lakers me dy pikë epërsi 114:112.

Anthony Davis ishte vendimtar në sekondat e fundit të ndeshjes duke realizuar tri gjuajtje të lira nga katër sa kishte në dispozicion.

Qendra e Lakers pati një ndeshje të madhe me 32 pikë, 13 kërcime e tre asistime.

Lojë të mirë shfaqi edhe LeBron James që e përfundoi takimin me 28 pikë, tetë kërcime e nëntë asistime.

LeBron James. (Photo by Andrew D. Bernstein/NBAE via Getty Images)

Tek mysafirët më i miri në parket ishte Jaysom Tatum me 41 pikë, por që në fund nuk mjaftuan për tu larguar të pamposhtur nga Kalifornia.

Lakers vazhdon të qëndroj në pozitën e parë në Konferencën e Perëndimit me 43 fitore e 12 disfata.

Në anën tjetër edhe përkundër humbjes, Celtics nuk lëvizin në tabelë pasi mbetën të tretët në Lindje me bilanc prej 39 fitoreve e 17 disfatave. /Telegrafi/

Rezultatet:

LA Lakers – Boston Celtics 114:112

Toronto Raptors – Indiana Pacers 127:81

Dencer Nuggets – Minnesota Timberwolves 128:116

Chicago Bulls – Washington Wizards 126:117

Oklahoma City Thunder – San Antonio Spurs 131:103

Golden State Warriors – New Orleans Pelicans 101:115

Portland Trail Blazers – Detroit Pistons 107:104