Pas kryerjes së ekzaminimeve mjekësore, Kessie thuhet ta ketë nënshkruar kontratën me Barcelonën

Sky Sport Italia raporton se Franck Kessie i ka kryer testet mjekësore te Barcelona dhe e ka nënshkruar kontratën që do të hyjë në fuqi nga 1 korriku 2022 (pas përfundimit të kontratës me Milanin, më 30 qershor).

Mesfushori ka refuzuar vazhdimin e bashkëpunimit me Rossonerët dhe tash e disa muaj ka qenë e qartë se do të largohej si lojtar i lirë.

Derisa për shërbimet e tij kishin shprehur interesim klube nga Liga Premier Arsenal, Liverpool, Manchester United, Tottenham Hotspur) e Ligue 1 (Paris Saint-Germain), ai vendosi të shkonte në La Liga.

Lexo po ashtu Kessie ka kryer testet mjekësore te Barcelona

Sipas ekspertit të transferimeve, Fabrizio Romano, Kessie gjatë të hënës ka qëndruar në Spanjë për t’i kryer ekzaminimet mjekësore me katalunasit.

Futbollisti nga Bregu i Fildishtë i kryer ato me sukses dhe më pas e ka nënshkruar kontratën në vlerë prej 6.5 milionë euro në sezon plus shtesat, ndërsa do të zgjatë katër vite (deri ne qershor 2026).

Kjo është ofertë e njëjtë me atë të cilën ia kishte ofruar Milani, mirëpo dallimi qëndron te komisioni më i madh i agjentit që e ka ndërmjetësuar transferimin. /Telegrafi/

Here we go. After verbal agreement reached days ago, Franck Kessié has signed as new Barcelona player until June 2026 – it’s gonna be four year deal, he joins as free agent from AC Milan. 🔵🔴 #FCB

Kessié will receive €6.5m net salary plus add-ons. Medical already completed. pic.twitter.com/9kFCIPJXn5

— Fabrizio Romano (@FabrizioRomano) March 22, 2022