Objektivi i madh i Real Madridit kërkon të largohet nga klubi aktual

Ka filluar të duket gjithnjë e më shumë e mundshme që Aymeric Laporte të kthehet në La Liga këtë verë. Mbrojtësi 30-vjeçar, i cili ndihmoi Spanjën të fitonte Euro 2024 në fillim të këtij muaji, tashmë është planifikuar për lëvizjen e tij të radhës.

Sipas gazetarit të njohur Rudy Galetti, Laporte ka kërkuar të largohet nga Al-Nassr, klubi të cilit iu bashkuar nga Manchester Cityt verën e kaluar.

Gjigantët e Arabisë Saudite janë të përgatitur të orkestrojnë një largim, por vetëm nëse do të mbërrinte një ofertë e pranueshme.

🚨↩️ Aymeric #Laporte asked #AlNassr to be let go during this transfer session.

💰 The 🇸🇦 club is open to evaluating his departure, but only for consistent offers.

❌ As told, some proposals have arrived, but none considered adequate so far. 🐓⚽ #Transfers https://t.co/7Lla5esNVa pic.twitter.com/RZCmo2hnAQ

— Rudy Galetti (@RudyGaletti) July 23, 2024

Në javët e fundit, Laporte është lidhur me Real Madridin dhe Atletico Madridin.

Los Blancos kanë diskutuar nga brenda mundësinë e nënshkrimit të Laportes, ndërsa Atletico e ka atë në listën e ngushtë të objektivave të mbrojtjes.

Lexo po ashtu Real Madridi në ‘gjah’ për një mbrojtës të ri, interesohet për dy yjet me eksperiencë të madhe

Athletic Bilbao gjithashtu ëndërron të sigurojë rikthimin e tij, por në këtë fazë, nuk ka gjasa për shkak të çmimit të kërkuar të vendosur nga Al-Nassr.

Laporte do të ishte një nënshkrim i shkëlqyer për secilin klub dhe çdo dyshim për aftësinë e tij pas një sezoni në Arabinë Saudite u largua në Euro 2024.

Do të jetë shumë interesante të shihet nëse një rikthim në La Liga do të realizohet, ndërsa favorit për transferimin e tij padyshim se është Real Madridi. /Telegrafi/