Superyjet shqiptare, Dua Lipa dhe Rita Ora, rrëmbyen vëmendjen me paraqitjen e tyre në Brit Awards 2018.
Dua Lipa e cila shkroi historinë me pesë nominime edhe në ceremoni vazhdoi duke shkruar histori me dy çmime të fituara.
E panominuar ishte Rita Ora, megjithatë bukuroshja nga Prishtina performoi në mënyrë fantastike duke rrëmbyer kritika pozitive.
Ishte spekuluar se Rita dhe Dua kanë mospajtim dhe hidhërim me njëra-tjetrën, e kjo ka ndikuar që të mos performojnë bashkë.
Rita Ora duke performuar
Sidoqoftë, dy vajzat shqiptare nga Kosova që janë rritur në Londër, njihen dhe kanë pëlqyeshmëri për njëra-tjetrën, e këtë e dëshmoi me një postim përkrahës babai i Duas, Dukagjin Lipa i cili ishte prezent në ceremoni.
Dukagjini postoi një video në InstaStory ku shfaqet Rita Ora duke performuar në shenjë përkrahëse ndaj saj.
Dua Lipa duke performuar, Foto: Getty Images
Kështu i vihet fund spekulimeve për një çarje të relacioneve mes Dua Lipës dhe Rita Orës.
Ato janë dhe do të jenë përgjithmonë krenaria e të gjithë shqiptarëve ku do në botë. /Telegrafi/
