Kosova e mori një pikë në një ndeshje që shumë lehtë ka mundur t’i marr të tria, pasi e ka dominuar Malin e Zi si me lojë ashtu edhe me raste.

Disa raste, një gol, një shtyllë dhe një gol i pranuar në mënyrë naive.

Kjo ishte ndeshja jonë sot, por që duhet harrua pasi që pas tri ditësh do të përballemi me Bullgarinë.

Mbrojtja nuk kishte shumë punë, por goli u pranua në mënyrë naive, nga një harkim i lehtë dhe lehtë e evitueshëm. Në kundërsulm na mungoi pasimi i fundit, ndërsa edhe trajneri ka mundur të bëjë më shumë.

Telegrafi Sport i ka vlerësuar lojtarët për paraqitjen e sotme.


Formacioni startues 

Arijanet Muriq 6

Shumë pak punë, shumë pasime të gabuara dhe një lëndim që e shqetësoi. Edhe vet e pranoi që nuk ishte nata e tij më e mirë. Te goli nuk është se kishte shumë faj.

Mërgim Vojvoda 6

Angazhohet shumë, por harkimet e tij mbeten pika e dobët. Lojtari që e shënoi golin ishte pas shpinës së tij. Duhet të bënte më shumë.

Amir Rrahmani 7

Kapiteni i vërtet. Luajti me lëndim dhe ishte ndër më të mirët në fushë. Rrezikon bukur me kokë edhe në goditjet nga këndi. Vetëmohimi që tregoi sot, tregon që e meritoi të jetë kapiten.

Fidan Aliti 6.5

Stabil. Lufton dhe organizon lojën. Po del të jetë tandem i mirë me Rrahmanin në qendër. E qëlloi shtyllën pas një goditje me kokë. Lehtë ka mundur ta na e sigurojë fitoren.

Leart Paqarada 6

Nuk ishte edhe aq mirë. Nuk e bllokoi harkimin te goli dhe nuk e ndihmon aq shumë sulmin. Zgjedhja e tij para Kolollit ndoshta është bërë për arsye taktike, por ka mundur të jetë më mirë.

Idriz Voca 6

Mundohet t’i mbulojë hapësirat e të tjerëve. Një pjesë e parë e mirë e tij dhe e luftuar. Ka mundur më mirë në pjesën e dytë.

Besar Halimi 7

Luajti shumë mirë pothuajse gjithë ndeshjen, por kishte pak rënie në fund. Normale, pasi që luftoi shumë dhe mbuloi shumë hapësira. Organizonte lojën dhe pasimet e tij e dërgonin skuadrën gjiton në sulm. Aksioni i golit u nis nga këmbët e tij.

Milot Rashica 7.5

Është lojtari më në formë i Kosovës. E nisi shumë mirë ndeshje e gjeti edhe golin. Ndërrimi i pozitës ka mundur ta ç’orientoj, por pa dyshim sot ishte lojtari i ndeshjes. Prej tij të gjithë presin gola dhe këso paraqitje.

Bersant Celina 6.5

Ka arritur t’i zvogëlojë mangësitë që i kishte në të shkuarën. Pason dhe lufton bashkë me ekipin. Ishte ndeshja e tij e parë pas një muaj e gjysmë dhe doli të jetë pozitive.

Arbër Zeneli 6  

Sa ishte në fushë ishte shumë i rrezikshëm dhe goli erdhi pas devijimit nga goditja e tij. Një lëndim bëri që ndeshjen ta mbyll më herët.

Vedat Muriqi 6.5

Lufton shumë me mbrojtësit dhe ndihmon ekipin. Nganjëherë kthehet edhe më shumë se sa që kthehen sulmuesit me trupin e tij. I kishte dy raste të mira, por fati nuk ishte më të. Në përgjithësi paraqitje e mirë.


Zëvendësimet

Edon Zhegrova 6

U fut në lojë në vend të Arbër Zenelit. Është përmirësuar shumë. Nuk e mban topin, sikurse në të shkuarën. Kishte rast të mirë për gol, por gjuajtja e tij shkoi ngjitur me shtyllën.

Benjamin Kololli 6

Sikur nuk i pëlqeu stoli dhe u fut vonë në lojë. Nuk bëri ndonjë ndryshim, por mbetet vlerë për Kosovën.

Elbasan Rashani 6

U fut në lojë në minutën e 78-të. Pak minuta për të treguar më shumë. Kosova zakonisht ka fat kur është në fushë, por sot nuk ishte dita e tij.


Tranjeri 

Bernard Challandes 6

Sot ishte ndeshje për tu fituar. Mali i Zi kishte shumë probleme. Ka mundur të zgjedh formacion më të mirë.

Bernard Challandes (Foto: Telegrafi/Ridvan Slivova)

Një pikë është pak, kur merret parasysh përparësitë që i kishim.  /Telegrafi/