Nëse dështojnë të sjellin dy alternativat kryesore, Bayern Munich mund ta afrojë Edin Dzekon

Pasi Robert Lewandowski u largua në Barcelonë këtë verë, Bayern Munich e filloi sezonin pa një sulmues të vërtetë qendror, gjë që është një problem i madh për ta në sulm.

Presidenti i nderit i Bayern Munich, Uli Hoeness, ka rindezur debatin për sulmuesit.

“Një gjë është e sigurt, mendoj se na mungon një “nëntë” klasike. Ishte një vendim i vështirë për të hequr dorë nga Lewandowski, me rrezikun për të mos shënuar gola në numër të caktuar,” ka thënë Hoennes.

Harry Kane është përmendur prej javësh si një blerje e mundshme nëse sulmuesi i Tottenham nuk zgjat kontratën me klubin anglez.

Në listë janë edhe dyshja e Serie A, Dusan Vlahovic (Juventus) dhe Edin Dzeko (Inter), shkruan Bild.

Sipas Bild, Dzeko mund të mendohet nga Bayern Munich pasi është një veteran me përvojë dhe ka luajtur në Bundesligë në parë.

Sulmuesi 36-vjeçar luajti për Wolfsburgun midis viteve 2007 dhe 2011 dhe në atë periudhë u bë kampion i Gjermanisë (në vitin 2009) dhe golashënuesi më i mirë i kampionatit(22 gola), duke e vazhduar pastaj karrierën te Manchester Cityn, Roma dhe Interi.

Sipas Bild, një sulmues me përvojë si Dzeko do të ishte një alternativë serioze nëse Bayern Munich nuk arrin të sjellë sulmues aktualë të klasit të parë si Kane apo Vlahovic. /Telegrafi/