Nëntë kinezë rrahin brutalisht një grua, të pranishmit as që reagonin për ta ndihmuar – pas intervenimit të policisë arrestohen të gjithë

Nëntë persona janë arrestuar në Kinë, pasi në internet është publikuar një video që ka marrë miliona shikime, ku shihet sulmi brutal i një grupi të burrave mbi një grua në restorant në qytetin Tangshan.

Opinioni është shokuar me dhunën që në Kinë mbetet akoma një problem shumë i madh, transmeton Telegrafi.

Videoja ka shkaktuar zemërim në veçanti për shkak të sjelljeve të burrave mbi gratë, ku përpos njërës që e pësoi më së shumti, ishin edhe tri tjera që u goditën me gjithçka – nga grushtet, shqelmat e deri te shishet e birrave.

3. Video 2 pic.twitter.com/flfcyRhMMg

— 巴丢草 Badiucao (@badiucao) June 11, 2022

Në video mund të shihet një burrë duke iu afruar një tavoline ku ishin disa femra, ku njërën prej tyre e prek e tri tjera shikonin të shokuara.

Pas që ajo e shtynë burri fillon ta godasë, më pas e nxjerrin jashtë një grup i burrave që vazhdimisht e godisnin – në fakt bënin “gara” se cili do ta godet më shumë.

1/ China's delusion of the safest country ，is exposed by a terrifying assault case against women.
4 men from Tangshan attacked 3 girls after they resisted the men's sexual harassment in a restaurant publicly.

cctv video will b attached in the thread. pic.twitter.com/hv9dYXZj3N

— 巴丢草 Badiucao (@badiucao) June 11, 2022

Aty tentuan mikeshat t’i dalin në ndihmë viktimës, por edhe ato e pësuan. E ajo çfarë shokoi më shumë opinionin është fakti se pavarësisht numrit të madh të burrave që ishin në lokal, ata thjesht nuk ndërmorën asgjë për t’i shpëtuar vajzat, luajtën rolin e spektatorëve.

Videoja shpejt u bë virale në sërish në Kinë hapi temën për dhunën mbi femrat. E pas intervenimit të policisë janë arrestuar nëntë burra. Ndërkaq gratë në veçanti njëra prej tyre është dërguar me urgjencë në spital, nga ku është bërë e ditur se ajo ka pësuar lëndime në pothuajse çdo gjymtyrë të trupit. /Telegrafi/