Nëna e Rita Orës, psikiatrja Vera Sahatçiu mbështet Bebe Rexhën pas deklarimeve për shëndetin mendor: Bravo për guximin tënd

Artistja shqiptare me renome botërore, Bebe Rexha, së fundmi në një intervistë ekskluzive si asnjëherë më parë për Revistën SELF, ka folur rreth problemeve me shëndetin mendor që e kanë shoqëruar gjatë gjithë jetës së saj.

Ajo publikoi kopertinën e revistës në rrjetin social Instagram, në mbishkrim in e së cilës bëri të ditur se kishte frikë nga stigma kur e realizoi intervistën, por që përsëri donte ta ndante të vërtetën e saj me të gjithë botën.

“U ndjeva nervoz duke e vendosur këtë cover. Asnjëherë nuk kam dashur të gjykohem apo etiketohem si “e çmendur”. Sidomos duke qenë gra në këtë botë, ka pasur njerëz që e kanë përdorur atë kundër meje në shumë mënyra të gabuara. Por ajo që po mësoj është kjo nuk ka të bëjë me mua. Kjo ka të bëjë me atë që një djalë ose një vajzë, një burrë, ose gratë ose një person jo binar, të mos ndjehet i vetmuar kur kalojnë kohë të vështira për shkak të gjendjes së tyre mendore. Ende ekziston një stigmë e lidhur me sëmundjen mendore dhe kujdesin shëndetësor mendor dhe shpresoj se mund të ndihmoj për të bërë një ndryshim të vogël. Faleminderit Revistës SELF”, shkroi Bebe Rexha në Instagram.

View this post on Instagram

I felt nervous putting out this cover. I never wanted to be judged or labeled as “crazy.” Especially being a women in this world, I’ve had people use it against me in so many wrong ways. But what I’m learning is this isn’t about me. This is about helping that one boy or girl or man or women or non binary person, not feel so alone when they are going through rough times because of their mental state. There is still a stigma associated with mental illness and mental healthcare and hopefully I can help to make a small change. Story link in my bio. Thank you @selfmagazine

A post shared by Bebe Rexha (@beberexha) on Feb 25, 2020 at 7:35am PST

Të shumta ishin komentet përbri kësaj fotografie, me shumë prej fansave që shprehnin mbështetje për artisten shqiptare, duke e komplimentuar për guximin që ka të trajtojë tema të tilla.

Lexo po ashtu "Dhimbje, paragjykime e shumë vuajtje", Bebe Rexha flet hapur për problemet që shëndeti mendor i ka sjell gjatë gjithë jetës së saj

Njëra ndër mbështetëset ishte edhe nëna e këngëtares tjetër të famshme botërisht, Rita Ora, Vera Sahatçiu-Ora.

Vera, e cila është psikiatre me profesion dhe punon për NHS në Londër, i ka lënë një koment motivues 30-vjeçares në cilësinë e psikiatres, duke e përgëzuar për guximin e treguar.

“Bravo që po e rrit ndërgjegjësimin për shëndetin mendor dhe për guximin tënd”, kanë qenë fjalët e Verës.

Bebe Rexha përndryshe ruan një raport shumë të mirë me Rita Orën dhe takohen gjithnjë me njëra-tjetrën në evente të rangut botëror. /Telegrafi/