Negreira akuzon Barcelonën për ‘cinizëm’ dhe paralajmëron për ‘mashtrim procedural’

Mbrojtja e ish-zëvendëspresidentit të Komitetit Teknik të Gjyqtarëve (CTA), Enriquez Negreira, e ka cilësuar si një “ushtrim cinizmi” dhe “mashtrim procedural” përpjekjen e fundit të FC Barcelona për t’u paraqitur si akuzë në ‘rastin Negreira’.

Negreira ka kundërshtuar kategorikisht përpjekjen e Joan Laporta, nëpërmjet avokatit të tij, ndaj përpjekjes së subjektit të kryesuar nga presidenti i Barçës për të pasur statusin e dyfishtë të të hetuarit dhe viktimës.

Dokumenti i paraqitur para gjykatës nga mbrojtja, në të cilin El Mundo ka pasur qasje, “kundërshton kërkesën për përfaqësim procedural” dhe nuk heziton ta cilësojë këtë veprim si “ushtrim cinizmi”.

Lexo po ashtu Barcelona konfirmon konferencën për shtyp për të dhënë detaje mbi çështjen Negreira

Negreira, i cili pretendon se është me sëmundjen e Alzheimer dhe ka refuzuar të dëshmojë në Prokurori për këtë arsye, i përgjigjet në këtë mënyrë letrës së paraqitur nga Barça, në të cilën ai paraqitet si viktimë e një krimi të dyshuar të administrimit të padrejtë.

Ndryshe, Barcelona rrezikon dënime të mëdha nga La Liga, por edhe UEFA shkaku i “rastit Negreira”, ku thuhet se kanë kryer pagesa kundrejt favoreve nga gjyqtarët në ndeshjet brenda kampionatit viteve të kaluara. /Telegrafi/