Edhe pse Juventusi përjetoi një sezon shumë zhgënjyes nën drejtimin e Massimiliano Allegrit, drejtuesit e klubit nuk e kanë në plan të shkarkojnë trajnerin italian pavarësisht ankesave të Pavel Nedved i cili nuk e pëlqen.

Nedved ishte i tërbuar pas humbjes së Bianconerëve në finalen e Kupës së Italisë ndaj rivalëve të Interit të mërkurën dhe ai pati një përballje serioze me trajnerin italian pasi foli me skuadrën.

Drejtori i Juventusit ishte i pakënaqur me zëvendësimet e Max Allegrit dhe mungesën e përgjithshme të progresit të dukshëm këtë sezon.

Më vonë ai ia shprehu këtë zemërim Andrea Agnellit, duke mos dashur të heqë dorë nga ankesa. Në vitin 2019, ish-mesfushori ishte një nga ata që shtyu që trajneri të shkarkohej nga Juventusi në atë kohë.

Reklama
Reklama

Pavarësisht zhgënjimeve të Nedvedit, të cilat vijnë edhe nga një pjesë e madhe e fansave, Agnelli nuk ka ndërmend të shkarkojë Allegrin këtë verë, për tre arsye në veçanti.

E para prej tyre është se kryetari i Juventusit i beson Allegrit dhe beson se ai mund ta kthejë situatën në Torino pas një sezoni të vështirë rikthimi. Është e qartë se skuadra është në tranzicion pas largimit të Cristiano Ronaldos dhe Agnelli mendon se ish-trajneri i Milanit është njeriu i duhur për ta mbikëqyrur këtë.

Arsyeja e dytë është kontrata e gjatë që Allegri ka me Juventusin; marrëveshja e tij skadon në 2025 dhe ai fiton 7 milionë euro neto në sezon plus shtesa, kështu që do të ishte tepër shtrenjtë për Bianconerët që ta shkarkonin atë herët.

Reklama
Reklama

Dhe në fund, Agnelli kupton vështirësitë e ndryshme të hasura këtë sezon dhe vlerëson faktin që kualifikimi në Ligën e Kampionëve ishte ende i siguruar.

Lexo po ashtu:
Juventusi gati të thej rregullin e pagave për Pogban Juventusi gati të thej rregullin e pagave për Pogban

Largimi i vonuar i Ronaldos dhe lëndimi i rëndë i pësuar nga Federico Chiesa patën një ndikim të qartë në punën e Allegrit këtë sezon, kështu që presidenti i Juventusit ende ka besim. /Telegrafi/