Java e 26-të në elitën e futbollit kosovar pritet të jetë spektakolare dhe do të zhvillohet në tri ditë radhazi.

Dy ndeshjet e para në IPKO Superligën e Kosovës do të fillojnë ditën e shtunë, ku takohen Drenica – Trepça ’89 dhe KEK-u – Llapi.

Ndërkohë të dielën adhuruesit e futbollit kosovar i presin edhe dy takime të tjera mjaftë interesante.

Me fillim nga ora 15:00 në Therandë do të përballen dy rivalët për t’i ikur barazhit Ballkani dhe Flamurtari.

Ndërkohë ajka e kësaj jave në IPKO Superligë do të zhvillohet në kryeqytetin kosovar ku takohen rivalët lokal Gjilani dhe Drita.

Stadiumi ‘Fadil Vokrri’ pritet të jetë i vogël për adhuruesit e futbollit kosovar që pritet t’i mbushin shkallët e stadiumit për këtë takim.

Por për ata tifozë që nuk mund ta sigurojnë një biletë ka menduar si gjithmonë platforma më atraktive në vend IPKO, pasi derbi lokal gjilanas Gjilani – Drita do të jetë në transmetim televiziv në Super Sport Kosova.

‘El Anamorava’ do të zhvillohet ditën e diel me fillim nga ora 20:00 në stadiumin e kryeqyteti Fadil Vokrri.

Ndërkohë në transmetim televiziv adhuruesit e futbollit kosovar do t’i kenë edhe dy pretendentët për titullin e kampionit Prishtinën dhe Feronikelit.

Prishtina do të luaj në udhëtim te Ferizaj të hënën me fillim nga ora 15:00, ndërsa në të njëjtin orar luan edhe Feronikeli si mysafir i Lirisë së Prizrenit. /Telegrafi/

E shtunë

15:00 Drenica – Trepça ‘89
15:00 KEK-u – Llapi

E diel

15:00 Ballkani – Flamurtari
20:00 Gjilani – Drita

E hënë

15:00 Ferizaj – Prishtina
15:00 Liria – Feronikeli