LAJMI I FUNDIT:

Ndeshja miqësore ndërmjet Shqipërisë dhe Kosovës është pranë dështimit

Ndeshja miqësore ndërmjet Shqipërisë dhe Kosovës është pranë dështimit

Kohë më parë është përfolur shumë rreth një miqësore mes kombëtares së Shqipërisë dhe përfaqësueses së Kosovës, e cila do të zhvillohet në Zvicër, por si duket kjo ndeshje po shkon drejt dështimit.

FSHF dhe FFK kishin arritur marrëveshje për zhvillimin e ndeshjes dhe kishte mbetur që të sigurohej leja nga Federata e Futbollit e Zvicrës. Por, është pikërisht kjo federatë, e cila nuk ka lejuar që kjo ndeshje të zhvillohet.

Të gjitha lajmet për Përfaqësuesen e Kosovës
Lexo po ashtu Të gjitha lajmet për Përfaqësuesen e Kosovës

Këtë e ka pranuar edhe kryetari i FFK-së, Fadil Vokrri, i cili ka thënë për KosovaPress se pikërisht kjo federatë nuk po e lejon zhvillimin e kësaj ndeshjeje.

“Po afër anulimit është, sepse Federata e Futbollit Zviceran nuk e ka dhënë lejen për zhvillimin e një ndeshjeje miqësore, kinse për shkaqe sigurie, juridike e civile siç është referuar Federata Zvicerane e Futbollit, edhe pse ne mendojmë se kjo nuk është një arsye dhe arsyet i dinë ata më mirë, sepse mendoj që kjo është, i tejkalon suazat për të cilat biseduam në rastin tjetër dhe mendoj që Federata Zvicerane nuk është treguar korrekte në vlerësimin e kësaj situate për zhvillimin e një ndeshje me Shqipërinë, sepse të gjitha në mënyrë hipotetike them të gjitha ndeshjet kushedi kundër çfarë do kundërshtari të kishim luajtur, kjo do të ishte një festë me Shqipërinë dhe mendoj që nuk ka asnjë arsye që për shkak sigurie apo për shkaqe të referuara nga ana e Federatës së Futbollit të Zvicrës mendoj që nuk është në rregull.

“Ne do të bisedojmë me ta edhe gjatë takimeve që do t’i kemi gjatë takimeve në kongrese të ndryshme. Unë kam biseduar edhe me kryetarin e Federatës së Zvicrës dhe na ka thënë arsyet e njëjta, të cilat i ceka mirëpo ne në ato arsye nuk i besojmë shumë”, ka deklaruar Vokrri.

Vokrri e mohoi zhvillimin e kësaj ndeshje në ndonjë vend tjetër në Kosovë apo Shqipëri, pasi që Shqipëria do të luajë edhe një ndeshje me Ukrainën në Zvicër dhe kjo e pamundëson zhvillimin e miqësores në ndonjë vend tjetër. Kryetari i FFK-së pohoi se janë duke u munduar për të organizuar një miqësore me ndonjë kombëtare tjetër, të cilën nuk e bëri të ditur, dhe me të gjitha gjasat kjo ndeshje do të zhvillohet në stadiumin “Adem Jashari” në Mitrovicë nëse gjithçka shkon sipas planit.

Të gjitha lajmet nga Përfaqësuesja e Shqipërisë
Lexo po ashtu Të gjitha lajmet nga Përfaqësuesja e Shqipërisë

Siç transmeton SuperSport, lajmi është konfirmuar edhe nga kreu i FSHF-së, Armand Duka: “Po është e vërtetë ajo që ka deklaruar presidenti Vokrri dhe ne jemi duke kërkuar mundësi të tjera për të shfrytëzuar këtë periudhë sa më mirë për ekipin dhe trajnerin”.

Kujtojmë se Kosova do të marrë pjesë në Ligën e Kombeve e cila do të fillojë nga shtatori i këtij viti, dhe ku pritet që ndeshjet si vendas t’i zhvillojë në stadiumin e rinovuar të Prishtinës.

Në trend Sport

Më shumë
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Premier League
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Zbulohet emri i vërtetë i Kylian Mbappes - ka lënë të shokuar fansa e tij

Zbulohet emri i vërtetë i Kylian Mbappes - ka lënë të shokuar fansa e tij

Ligue 1
Kalo në kategori