Ndërhyrja e Ramosit në Salahun nuk ishte rastësi, të njëjtën gjë ia kishte bërë edhe Alvesit në finalen e 2017

Sergio Ramos është lojtari më i urryer në botë pas ndërhyrjes në Mohamed Salah gjatë finales së Ligës së Kampionëve.

Real Madrid fitoi me rezultat 3-1 ndaj Liverpoolit në finalen e madhe të zhvilluar të shtunën mbrëma në Olimpic Stadium të Kievit.

Megjithatë, ndeshja ishte e barabartë nga të dyja skuadrat deri në lëndimin e Salah, i cili u detyrua ta lë fushën e lojës në minutën e 30-të.

Ky lëndim i yllit egjiptian erdhi pas një ndërhyrje të kapitenit të Realit, Ramos, i cili pas rrëzimit ia dëmtoi shpatullën duke ia pamundësuar vazhdimin e ndeshjes.

Pas këtij dëmtimi, Reali e pati më të lehtë fitoren dhe Ramos u kthye në njeriun më të urryer në botë për momentin.

You can see how Ramos is holding Salah. #UCLFinal2018 pic.twitter.com/1jkm6rVjrY

— . (@kIaroliness) May 26, 2018

Kapiteni i Realit pas ndeshjes i kërkoi falje Salahut për lëndimin e pësuar teksa deklaroi se ndërhyrje nuk kishte asnjë qëllim të keq.

Por, tifozët e Liverpoolit të indinjuar me faktin se humbën trofeun e Ligës së Kampionëve kanë filluar një fushatë ‘anti-Ramos’.

Së fundmi, një tifoz i klubit anglez ka gjetur një video të finales së vitit të kaluar ndaj Juventusit, ku Ramos kishte ndërhyrë ngjashëm ndaj Dani Alvesit.

Megjithatë, për dallim nga ndeshja ndaj Liverpoolit, në ndeshjen ndaj Juventusit gjyqtari kishte vendosur ta ndëshkonte me të verdhë spanjollin. /Telegrafi/

Ndërhyrja ndaj Dani Alves: 

#FIFA #UCLFinal2018 Ramos vs Dani Alves a year ago. Same with Mohamed Salah. pic.twitter.com/zy8XaHYHnI

— Khaled Elbana (@ElbanaKhaled) May 28, 2018