LAJMI I FUNDIT:

Nathan Ake blindohet me kontratë të re nga Man City

Nathan Ake blindohet me kontratë të re nga Man City

Mbrojtësi holandez, Nathan Ake ka nënshkruar kontratë të re katërvjeçare me Manchester Cityn.

Marrëveshja e re e 28-vjeçarit zgjat deri në verën e vitit 2027, me këtë zgjatje që vjen në fund të sezonit të tij më të mirë.

Ai bëri 41 paraqitje dhe shënoi tre gola në të gjitha garat gjatë sezonit 2022/23 ku fituan tripletën, duke u shfaqur si një nga lojtarët më të besueshëm në futbollin anglez.


Mbrojtësi, i cili operon si në qendër ashtu edhe në krahun e majtë, thotë se struktura stërvitore e Cityt i ofron atij mjedisin më të mirë për të vazhduar përmirësimin e tij të shpejtë dhe beson se puna me Guardiolën e ka lejuar atë të shohë futbollin në një mënyrë të re.

“Ky është klubi më i mirë në botë, nuk kam asnjë dyshim për këtë. Të jesh lojtar i Manchester Cityt më bën jashtëzakonisht krenar çdo ditë”, ka thënë fillimisht Ake.

“Është një klub futbolli që pret përsosmëri në çdo fushë, gjë që bën që ambienti perfekt të përmirësohet. Më shtyn dhe më bën më të mirë. Jam në fazën e karrierës sime ku dua të vazhdoj të zhvillohem dhe këtë mund ta bëj patjetër këtu”.

“Pep është trajneri më i mirë në futboll – një gjeni që më ka bërë ta shoh lojën ndryshe – kështu që të mund të punoj më gjatë me të është një privilegj i vërtetë. I jam shumë mirënjohës atij për gjithçka që ka bërë për mua, si personalisht ashtu edhe profesionalisht”.

“Dua gjithashtu të falënderoj tifozët e Cityt për mbështetjen e tyre. E kam ndjerë vërtet që kur kam ardhur këtu dhe më ndihmon shumë. Fokusi im tani është t’i bëj ata krenarë dhe të fitoj më shumë trofe”, përfundoi holandezi. /Telegrafi/

Në trend Sport

Më shumë
Andres Iniesta deklaron hapur dëshirën e tij për t’u rikthyer tek Barcelona

Andres Iniesta deklaron hapur dëshirën e tij për t’u rikthyer tek Barcelona

La Liga
Mbappe në bisedime të avancuara për ta blerë klubin tek i cili ishte afër transferimit në 2013

Mbappe në bisedime të avancuara për ta blerë klubin tek i cili ishte afër transferimit në 2013

Ndërkombëtare
Man City nis punën duke ‘hequr qafe’ lojtarin të cilin Guardiola nuk e do më në ekipin e tij

Man City nis punën duke ‘hequr qafe’ lojtarin të cilin Guardiola nuk e do më në ekipin e tij

Premier League
Djali i tij është sensacioni i Euro 2024, por babai i Yamalit e tepron me deklaratën për Messin

Djali i tij është sensacioni i Euro 2024, por babai i Yamalit e tepron me deklaratën për Messin

La Liga
Brenda 100 vitesh plotë 27 takime - kush ka rezultatet më të mira mes Anglisë dhe Spanjës

Brenda 100 vitesh plotë 27 takime - kush ka rezultatet më të mira mes Anglisë dhe Spanjës

Përfaqësueset
E njihni si Lamine Yamal, por asnjëri nga këta nuk është mbiemri i tij i vërtetë

E njihni si Lamine Yamal, por asnjëri nga këta nuk është mbiemri i tij i vërtetë

Përfaqësueset
Kalo në kategori